Deputetët i rikthehen jetës parlamentare, të enjten seancë plenare. Kuvendi i ri pritet të mblidhet më 9 shtator

Pas dy muajsh pushim për shkak të zgjedhjeve, Kuvendi i Shqipërisë do të fillojë përsëri punimet në seancë plenare, të enjten, më 29 maj, në orën 12:00.

Ky vendim është firmosur nga kryetarja e Kuvendit, Elisa Spiropali.

Kuvendi do të vazhdojë punën deri më 8 korrik, por nuk do të shqyrtohen ligje të reja, sepse sipas Kushtetutës, nuk lejohet të bëhen ligje të reja 60 ditë para se t’u mbarojë mandati deputetëve.

Deputetët e tanishëm do të jenë në detyrë deri më 8 shtator, ndërsa Kuvendi i ri, që doli nga zgjedhjet e 11 majit, do të mblidhet për herë të parë më 9 shtator.

RTSH