Deputetja Klodiana Spahiu, dergohet ne Spitalin Ushtarak, probleme ne stomak

Fillojne problemet e para ne greven e Partise Socialiste. Mengjesin e djeshem, rreth ores 3:00, deputetja e Qarkut te Durresit, Klodiana Spahiu eshte transportuar me barele drejt spitalit ushtarak. Shkaku i nxjerrjes me barele nga tendat ku qendrojne grevistet, ka qene komplikacioni ne stomak, qe ka ardhur nga mungesa e ushqyerjes. Deputetja i eshte nenshtruar nje kurimi intensiv ne Spitalin Ushtarak te Tiranes, dhe eshte ende nen vezhgimin e mjekeve. "Do t'i rikthehem greves perseri, sapo te behem mire", ka qene deklarata e Spahiu e bere nga spitali, e pyetur se nese do te vijoje serish greven e opozites. Ndersa paraditen e djeshme, deputetja socialiste eshte vizituar edhe nga kryetari i Partise Socialiste, Edi Rama. Ne nje prononcim te dhene per mediat, kryesocialisti tha se jane te vendosur per te vazhduar kete greve. Kryesocialisti theksoi se "s'ka shume fjale per te thene, pervec shprehjes se neverise per kete qeveri qe vazhdon t'i mbaje syte mbyllur, vazhdon t'i mbaje veshet te taposur". "Padyshim qe zemer per te ndier pulsin e problemeve dhe shqetesimeve te kesaj qeverie nuk ka pasur ndonjehere dhe nuk ka si ta kete, as per ata te cilet e kundershtojne fuqimisht permes nje aksioni qe nuk do te ndalet dhe qe shpreh gjithe vullnetin per ta refuzuar nje bashkejetese te vendosur jo mbi vlerat e lirise te secilit, por mbi vullnetin per te dhunuar lirite dhe te drejtat. Dhe nga ana tjeter eshte momenti perseri per te rinenvizuar se ne nuk ndalemi", nenvizoi lideri i opozites. Prej 4 ditesh, 20 deputete te grupit Parlamentar Socialiste dhe 182 mbeshtetes te tyre jane ngujuar ne bulevardin "Deshmoret e Kombit" ne nje greve urie, per te kerkuar hapjen e kutive te zgjedhjeve parlamentare te 28 qershorit. D.D