Dështojnë negociatat mes minatorëve dhe ACR-së
Takimi është mbajtur në një nga lokalet pranë Ministrisë së Punës, e jo në këtë institucion, ku kishin kërkuar gjashtë përfaqësuesit e minatorëve.
Administratori i ACR-së iu ka komunikuar minatorëve se do të paraqesë pranë bordit drejtues kërkesat e tyre dhe pastaj do të ketë një përgjigje përfundimtare. Kjo ka sjellë zhgënjimin e radhës, pasi sot pritej të kishte edhe një marrëveshje konkrete.
Sindikata e Minatorëve njofton se greva do të vazhdojë deri në plotësimin e kërkesave, ndërsa kreu i Konfederatës së Sindikalistëve, Kolë Nikolla ka kërkuar ndërhyrjen e shtetit, partive politike dhe ndërkombëtarëve për zgjidhjen e kësaj situate.
Mësohet se më parë Nikolla ka pasur një përplasje edhe me kryebashkiakun Roland Keta, i cili mendohej të ishte edhe ndërmjetësuesi mes palëve.
Ndërkohë, 13 minatorët e ngujuar në minierën e Bulqizës vazhdojnë grevën e urisë. Ata ndodhen prej 19 ditësh në 1 400 metra thellësi të minierës, duke rrezikuar seriozisht jetën e tyre. /Start/
2011-08-12 13:54
Administratori i ACR-së iu ka komunikuar minatorëve se do të paraqesë pranë bordit drejtues kërkesat e tyre dhe pastaj do të ketë një përgjigje përfundimtare. Kjo ka sjellë zhgënjimin e radhës, pasi sot pritej të kishte edhe një marrëveshje konkrete.
Sindikata e Minatorëve njofton se greva do të vazhdojë deri në plotësimin e kërkesave, ndërsa kreu i Konfederatës së Sindikalistëve, Kolë Nikolla ka kërkuar ndërhyrjen e shtetit, partive politike dhe ndërkombëtarëve për zgjidhjen e kësaj situate.
Mësohet se më parë Nikolla ka pasur një përplasje edhe me kryebashkiakun Roland Keta, i cili mendohej të ishte edhe ndërmjetësuesi mes palëve.
Ndërkohë, 13 minatorët e ngujuar në minierën e Bulqizës vazhdojnë grevën e urisë. Ata ndodhen prej 19 ditësh në 1 400 metra thellësi të minierës, duke rrezikuar seriozisht jetën e tyre. /Start/
2011-08-12 13:54