Deshton takimi i Rames, peshkataret akuza Dakos: Bllokove portin
Takimi i kryetarit te Partise Socialiste, Edi Rama per te prezantuar programin e opozites, ka deshtuar ne qytetin e Durresit. Peshkataret e qytetit bregdetar kane bojkotuar Ramen, ndersa ata pak persona qe kane marre pjese, nuk kane hezituar te shprehin pakenaqesine ndaj kreut te Bashkise se Durresit Vangjush Dako, per mungesen e portit. Gjate vizites se tij ne qytetin e Durresit, Rama ka kerkuar qe te takonte disa prej peshkatareve. Thirrjes se Partise Socialiste i jane pergjigjur vetem nje grup i vogel prej pese vetash. Ndersa pjesa tjeter ishin militante te PS-se se Durresit qe nuk kane pasur asnje lidhje me peshkimin. Shumica e peshkatareve nuk ishin njoftuar per takimin, ndersa te pranishmit ne aktivitet nuk ishin njohes te fushes. Nga perfaqesuesit e peshkatareve ka marre pjese vetem kreu i Organizates se Menaxhimit te Peshkimit, Qemal Beu dhe pak peshkatare te cilet kane kerkua nga drejtuesit e Partise Socialiste dhe kreu i Bashkise se Durresit, arsyen e ardhjes ne takim per te prezantuar programin, kur vet Bashkia nuk ka ngritur portin ne kete qytet per peshkataret. Beu i eshte drejtuar kreut te Bashkise, Vangjush Dako se ai eshte personi pergjegjes per problemet qe ka peshkimi ne Durres. Nga ana tjeter, Dako ka thene se porti i peshkimit nuk eshte objekt i ketij diskutimi me peshkataret. Replikat mes Dakos dhe kreut te Organizates se Menaxhimit te Peshkimit kane vazhduar dhe me tej. Kreu i PS-se ka nderhyre ne debat duke thene se peshkataret i kane varkat te shkaterruara dhe jashte standardeve. Nje prej peshkatareve i ka treguar kreut te PS-se gjendjen e varkave te peshkimit, te cilat jane te reja dhe mjaft moderne, por mbeten pa pune si pasoje e mungeses se portit. Pasi eshte njohur me gjendjen e varkave, Rama nuk ka bere komente. Ndersa nje pjese e peshkatareve kane pasur dhe nje tjeter ankese per kreun e Bashkise se Durresit, Vangjush Dako. Ata kane deklaruar se edhe pse punojne ne nje sektor qe lidhet me peshkimin, Bashkia u vendos taksa gjelberimi. Prej disa vitesh peshkataret e Durresit kane kritikuar kreun e Bashkise, Vangjush Dako per mos ndertimin e portit te peshkimit. Dako ka refuzuar te jap fonde per nje veper te tille qe do te vinte ne funksion nje aktivitet mjaft fitimprures per gjithe Durresin.