Devoll, 50 nxenes mesojne ne bilardo

Devoll-Viti i ri arsimor filloi jo me pak probleme ne rrethin e Devollit. Per te tretin vit me radhe 50 nxenes te ciklit fillor ne fshatin Trestenik, do ta zhvillojne procesin mesimor ne bilardon e fshatit..Pas djegies se shkolles se fshatit, lokali qe ka dy dhoma te sajuara si klasa, sherben si ambient mesimor. Ketyre klasave te improvizuara u mungojne dyer dhe dritaret, ndersa nuk mund te behet fjale per bazen materiale ne ndihme te procesit mesimor. Mesuesja e ciklit fillor, Xhixhe Berberi, shprehet se femijet e ketij fshati kane tre vjet qe bejne mesim ne kushte skandaloze, edhe pse angazhimi i mesueseve per nje mesimdhenie normale, nuk ka munguar. Sipas saj, jane bere te gjitha perpjekjet, por sic duket situata edhe kete vit do te jete e njejte. I vetmi ndryshim eshte ai qe pronari i lokalit, ka vendosur qe gjate kohes se zhvillimit te mesimit, te mos shfrytezoje ambientet per te luajtur bilardo. Prinderit e ketyre femijeve shprehen te shqetesuar per kushtet e veshtira, ne te cilat femijet e tyre jane te detyruar te marrin dije. Teper problematike mbetet edhe mungesa e tualeteve. Shkolla 9-vjecare e fshatit Trestenik, eshte djegur tre vjet me pare dhe per pasoje, nxenesit jane zhvendosur ne shkollen e fshatit Vishocice, ndersa ata te fillores dhe sot e kesaj dite bejme mesim ne lokalin e fshatit. Sipas drejtuesve te komunes, nga ana e qeverise eshte celur nje fond prej 8 milion lekesh per rindertimin e shkolles se Trestenikut, punimet e se ciles priten te fillojne se shpejti.

D.Zisi