Dhembet, 60% e shqiptareve kane probleme Sonila Isaku
Ne diten Boterore te Shendetit Oral specialistet japin alarmin se popullsia e vendit tone ka nje nivel dhe edukate shume te ulet sa i perket kujdesit per dhembet. Per te pasur dhembe te shendetshem duhen vetem dy vizita ne vit te dentisti dhe nderrim i furces se dhembeve cdo tre muaj. Keto jane rregullat elementare te mirembajtjes se dhembeve. Sipas te dhenave dhe nje studimi te organizuar nga OBSH rezulton se shqiptaret nuk kane higjiene goje, ata nuk kujdesen per dhembet e tyre. Sipas studimit, rreth 60 per qind e shqiptareve i kane dhembet e prishur ne faza te avancuara, aq sa edhe nuk mund te riparohen. Me shume se gjysma e shqiptareve kane probleme me dhembet, ndersa cdo njeri prej tyre ka mesatarisht tre dhembe te prishur. Ne Diten Boterore te Shendetit Oral, strukturat shendetesore ne kryeqytet kane organizuar aktivitete sensibilizuese. Autoriteti Shendetesor Rajonal i Tiranes ne kete dite apeloi per me teper kujdes per shendetin e dhembeve dhe gojes ne pergjithesi. “60 per qind e popullsise kane dhembe te demtuar. Nuk eshte treguar kujdes per to. Pacientet nuk kryejne kontroll te rregullt, por vetem atehere kur kane probleme dhe kur dhembi eshte i prishur”, kane pohuar specialistet. Sipas tyre, nje infeksion i dhembit mund te jape nje infeksion te rrugeve urinare, mund te jape nje prekje zemres. Por, vihet re nje situate me e mire tek femijet sesa te rriturit, kjo per shkak edhe te pranise se kujdesit shendetesor ne shkolla. “Tek femijet eshte dicka me mire se tek te rriturit. Tek te vegjlit, duke pasur edhe personelin shendetesor ne shkolla, behet florizimi ne shkolle, behet edhe kontrolli, depistimi”, thekson Mariol Sako, stomatolog. Kujdesi per te pasur dhembe te shendetshem, sipas stomatologeve, duhet te filloje qe ne moshe te vogel. Ne te gjitha shkollat e vendit jane zhvilluar fushata per parandalimin e semundjeve te dhembeve. Autoritetet shendetesore thone se kete vit te ri shkollor nxenesit mund ta marrin sherbimin dentar neper shkolla, pasi jane te garantuara te gjitha pajisjet dhe materialet. Nje tjeter fushe ku do te punohet eshte edhe edukimi shendetesor mbi traumat e dhembeve, por edhe pasojat e tyre, per moshat 6-18 vjec. “Traumat aksidentale te dhembeve prekin cdo grup-moshe nga 6-18 vjec, duke shkaktuar nje akses te larte per dhembet frontale te nofulles se siperme”, sqarojne specialistet e shendetit dentar. Studimi i tyre tregon se prevalencen me te madhe ndaj fraktures e kane kendet e dhembeve dhe me pak siperfaqja e tyre. Aksesi i traumes eshte me i shprehur ne grup-moshen 10-14 vjec per djemte, ndersa per grupmoshen 14-18 vjec predispozicioni eshte afersisht i njejte per dy gjinite si djemte dhe vajzat.
Keshillat e specialisteve
Ne muajin per sensibilizimin ndaj kujdesit te gojes, specialistet japin nje sere keshillash. Lani dhembet te pakten 2 here ne dite (ne mengjes dhe ne darke) dhe perdorini fillin dentar te pakten nje here ne dite. Kontrolloni vete gojen per ndonje njolle, lezion, te prera, enjtje apo fryrje te mishit te dhembeve, gjuhes, faqeve dhe brenda buzeve. Perdorni nje diete te balancuar dhe evitoni embelsirat. Lini duhanin!