Diber listat me te vdekur nen verifikim 100-vjecaret
Keshtu pohojne pergjegjesit e zyrave te gjendjeve civile ne komunat dhe bashkite e Qarkut te Dibres. Ky inventar i tyre do te kryhet per te saktesuar listat e zgjedhesve pasi here pas here forcat politike jane ankuar se ne lista jane perfshire te moshuar qe kane vdekur prej vitesh. Ne Bashkine e Burrelit jane publikuar listat ne te gjitha qendrat e votimit por saktesimi i tyre do kohe te perfundoje. Zgjedhesit vazhdojne te tregohen indiferente per ti pare ato nderkohe subjektet politike kujtohen vetem ne fushate per saktesine e tyre. Pergjegjesi i gjendjes civile Burrel Fatmir Nuzi tha se publikimi i listave ka pasur per qellim qe qytetaret ti keqyrin ato dhe nese nuk e kane emrin te kerkojne regjistrimin e tyre. I kemi publikuar listat sipas udhezimeve te Ministrise se Brendshme dhe Prefektures Diber. Qytetaret i kane te gjitha mundesite qe te verifikojne emrat ne keto lista. Nese nuk e bejne tani nje gje te tille me pas do te duhet ti drejtohen gjykates per regjistrim nenvizoi Nuzi. Nje problem me vete do te jete evidentimi i te moshuarve mbi 100 vjec. Sipas pergjegjesit te gjendjes civile Burrel te gjitha njesite vendore jane ne pritje te mberritjes se listes me kete grupmoshe nga Drejtoria e Pergjithshme e Gjendjeve Civile. Ne- pohoi Fatmir Nuzi- jemi ne pritje te ardhjes se listes se te moshuarve mbi 100 vjec nga Drejtoria e Gjendjeve Civile prane Ministrise se Brendshme. Pas mberritjes se listes do te ngrihen grupe pune per saktesimin e tyre dere me dere. Vetem keshtu mund te evidentojme cilet nga te moshuarit jetojne dhe cilet nuk rrojne me. Pas keqyrjes mund ti heqim nga lista e votuesve ata te moshuar qe kane vdekur deklaroi Nuzi. Burime te besueshme prane Drejtorise Rajonale te Sigurimeve Shoqerore Diber sqarojne se ka pasur raste kur te moshuarit nuk jane cregjistruar nga gjendjet civile dhe njerezit e tyre te aferm kane perfituar pensionin. Po ashtu ka pasur pleq apo plaka te vetmuara per te cilet askush nuk eshte interesuar per heqjen nga lista e votuesve. Vetem pas verifikimit shtepi me shtepi do te saktesohen listat per te moshuarit nderkohe qe nuk perjashtohet mundesia qe ka ne lista emra me moshe nen 100 vjec qe nuk jetojne por eshte menduar se fillimisht duhen saktesuar mbi 100-vjecaret.
DIBER/ HASAN PASHA