Dibër, makina bie në lumë, dy të zhdukur

Foto ilustruese

Një makinë me të cilën udhëtonin dy persona ka rënë në lumë në Dibër. Sipas informacioneve të para, automjeti i tipit Benz ka qenë duke udhëtuar drejt Maqellarës dhe ka dalë nga rruga duke përfunduar në lumin Drin i Zi.

Fati i dy personave të cilët udhëtonin në mjet nuk dihet ende, ndërsa nata i ka vështirësuar përpjekjet e policisë për ti gjetur ata.

Mësohet se automjeti drejtohej nga 19-vjeçari Mariglen Halili, ndërsa identiteti i personit të dytë nuk dihet.

Mendohet që shkak i aksidentit të ketë qenë shpejtësia e madhe e mjetit. / G.N.