Din Abazi: Gabimet mjekësore, jo të ndiqen penalisht

Për prangosjen e tre mjekëve kohët e fundit në qytetin e Durrësit dhe të Lezhës ka reaguar edhe Urdhëri i Mjekut.

Presidenti i këtij urdhëri, Din Abazi, u shpreh se institucioni i tij ka kryer hetimet për tre mjekët e arrestuar dhe deklaron se nuk bëhet fjalë për mjekim të pakujdeshëm, por për gabim mjekësor.

Ai i cilëson këto veprime të nxituara, ndërkohë që akuzat e ngrituara ndaj tyre nuk janë vërtetuar.
 

Më tej Abazi u shpreh se veprime të tilla nuk i bëjnë aspak mirë sistemit shëndetësor, përkundrazi zbehin dhe ulin besimin e qytetarëve ndaj bluzave të bardha dhe vetë sistemit në tërësi.

Presidetni i urdhërit të mjekut Din Abazi, shprehet se nëse prokuroria do të kërkojë gjykimin profesional të specialistëve të udhërit të mjekut, ata do të jenë në dispozicion të tyre.