Dinamo bën blerjen e pestë në këtë merkato

Tiranë - Kampionët e Dinamos kanë bërë blerjen e pestë në këtë merkato të janarit. Sulmuesi argjentinas, Mario Antonio Romero, është futbollisti më i ri që i bashkohet skuadrës së Dianmos këtë muaj. Romero ka nënshkruar një kontratë me klubin shqiptar që do ta mbajë të lidhur atë deri në përfundim të këtij sezoni.

Zyra për shtyp e Dinamos bën me dije se kontrata ka si opsion edhe zgjatjen e saj të mëtejshme nëse palët do të bien dakort në përfundim të këtij sezoni.

Futbollistët e tjerë që ka arritur të blejë Dianamo deri tani janë: Elis Bakaj (Partizani), Sabino Plaku (HamKam NOR), Dario Bodrusiç (Rijeka KRO) dhe Ruben Oskar Çeko (Persija Jacarta ARG).