Diskutimi mbi qendrimin ndaj bojkotit, here tjeter

Asambleja Kombetare vendosi qe diskutimi per qendrimin e Partise Socialiste mbi hyrjen ne Kuvendin e Shqiperise ta diskutoje ne nje date tjeter. Ishte deputeti socialist, Ben Blushi, i cili pas fjales hyrese te kreut te Asamblese, Gramoz Ruci, kerkoi qe te kete nje diskutim edhe per rrugen politike te PS. "Duhet te bejme nje bilanc te 6 muajve te fundit dhe te marrim nje vendim kur arsyet per te bojkotuar Parlamentin nuk jane me te justifikueshme. Keshtu qe besoj se kjo ja vlen pa e prishur fare prezantimin e asaj qe po flasim", drejtoi kerkesen Blushi. Pas tij, kreu i Asamblese Kombetare deklaroi se gjithcka do te behet pas diskutimit per situaten e permbytjes. Ne mbledhjen me dyer te mbyllura, burime nga Asambleja Kombetare bejne te ditur per "Koha Jone" se dy deputetet, Arben Malaj dhe Ben Blushi, kane folur perpara te pranishmeve, duke i kerkuar grupit Parlamentar Socialist hyrjen ne Kuvend. Te njejtat burime bejne te ditur se dy themeluesit e Levizjes per Mendimin Ndryshe ne PS kane kundershtuar ashper rrugen e socialisteve per bojkotin. Dy anetaret e Kryesise se selise roze ftuan koleget e tyre qe te reflektojne dhe gjithashtu i kerkuan lidershipit te PS qe te mendohet per rrugen qe do te ndiqet. Ndersa pas fjales se tyre u caktuar qe te kete nje mbledhje ku te caktohet qendrimi politik i PS. Burimet brenda AK sqaruan se kryetari i PS, Edi Rama, kerkoi qe te vendoset mbledhja e nje Asambleje per shtetin e se drejtes dhe te vendoset se kush jane lirite, te drejtat dhe detyrimet te anetareve te grupit parlamentar socialist.