Keshilli Kombetar, permbytja shtyn ne nje afat te pacaktuar zgjedhjet ne PD

Partia Demokratike ka shtyre per nje afat te pacaktuar mbledhjen e Keshillit Kombetar, ku do te dalin dhe strukturat drejtuese te partise dhe kryesia e saj. Forume dhe struktura qe do te udheheqin kete parti ne kater vitet e ardhshme, qe perkojne gati plotesisht me mandatin e dyte qeverises. Lajmi behet i ditur nga selia blu, dhe shkak per kete shtyrje ne menyre te pacaktuar, kane qene permbytjet qe kane ndodhur ne veri te vendit, perkatesisht ne zonen e Shkodres dhe Lezhes. Nje lajm i tille eshte bere i ditur pikerisht ne momentin kur ishte lajmeruar kohe me pare se mbledhja e Keshillit Kombetar te Partise Demokratike do te mbahej ne kete jave, sipas deklarates se vete kreut te kesaj partie, njeheresh kryeminister i vendit, Sali Berisha. Per momentin drejtimin e partise do ta kene te njejta struktura partiake, deri ne momentin e rikonfirmimit ose te zgjedhjeve te drejtueseve te rinj. Nga ana tjeter, tani per tani, emergjenca me e madhe nuk jane mbledhja e Keshillit Kombetar dhe zgjedhja e strukturave dhe forumeve drejtuese te PD, por perballimi i pasojave te permbytjes se ndodhur ne Shkoder dhe Lezhe, nepermjet masave dhe angazhimit efikas te te gjitheve. Deri me tani pjese e debatit brenda forumeve dhe strukturave te PD ka qene ndarja e posteve, mes drejtimit partiak dhe atij qeverises, ku eshte bere e ditur se postet kryesore nuk do te levizin. Dhe keto poste perkojne me vendin qe duhet te zene sekretari i pergjithshem i partise dhe dy nenkryetaret e partise. Pikerisht keto poste nuk mendohet te jete te ndara, pasi cdo drejtues ne qeverisje mund te mbaje dhe njerin nga keto dy poste. Aktualisht nenkryetar te partise jane kryetarja e Kuvendit Topalli dhe kryetari i grupit parlamentar te PD, Patozi. Ndersa sekretar i pergjithshem eshte Ritvan Bode. Sekretariati, do te kete ndarje postesh.