Dita Botërore e Talasemisë, apel për dhurimin e gjakut
LUSHNJE- Rreth 270 persona që janë të prekur nga sëmundja e talasemisë vuajnë mungesën e gjakut. Nga këta, rreth 140 janë fëmijë të grupmoshave të ndryshme. Kjo ka dalë gjatë diskutimit të oratorëve të ndryshëm në konferencën e mbajtur në qytetin e Lushnjës në Ditën Botërore të Talasemisë, ku u kërkua kontributi i të gjithë shoqërisë për dhurimin vullnetar të gjakut.
Aktivitetet për Ditën Botërore të Talasemisë u zhvendosën në Lushnje, duke qenë se nga ky rreth figuron një numër i lartë i të prekurve me talasemi. Në këtë aktivitet, kreu i shoqatës së talasemikëve Musa Zeneli bëri apel për dhurimin vullnetar të gjakut.
Ndërkohë sot në Lushnjë, ministri Vasili preu shiritin e inagurimit të punimeve rikonstruktuese të bllokut spitalor të këtij qyteti i cili mori emrin e mjekut të njohur Ihsan Cabej.
Ndërsa zonja Liri Berisha në këtë ditë mori titullin “Nderi i Lushnjës” akorduar nga Këshilli Bashkiak i këtij qyteti me motivacionin për kontributin e madh dhënë në ndihmë të fëmijëve talasemikë.
(e.n/News24/BalkanWeb)
Aktivitetet për Ditën Botërore të Talasemisë u zhvendosën në Lushnje, duke qenë se nga ky rreth figuron një numër i lartë i të prekurve me talasemi. Në këtë aktivitet, kreu i shoqatës së talasemikëve Musa Zeneli bëri apel për dhurimin vullnetar të gjakut.
Ndërkohë sot në Lushnjë, ministri Vasili preu shiritin e inagurimit të punimeve rikonstruktuese të bllokut spitalor të këtij qyteti i cili mori emrin e mjekut të njohur Ihsan Cabej.
Ndërsa zonja Liri Berisha në këtë ditë mori titullin “Nderi i Lushnjës” akorduar nga Këshilli Bashkiak i këtij qyteti me motivacionin për kontributin e madh dhënë në ndihmë të fëmijëve talasemikë.
(e.n/News24/BalkanWeb)