Dita e 12-të e protestave në Turqi, policia forcë mbi Taksim-in (FOTO)

Turqi- Policia turke kundër trazirave kanë lëvizur në Sheshin Taksim të Stambollit, i cili ka qenë i pushtuar nga protestuesit antiqeveritarë për afër dy javësh.

Zyrtarët hodhën gaz lotsjellës dhe plumba gome, duke çuar shumë protestues të largohen nga sheshi në ‘Gezi Park’-un fqinj, ku shumica kanë ngritur kampe.

Disa aktivistë u përgjigjen duke hedhur fishekzjarre, bomba zjarri dhe gurë ndaj policisë.

Trazirat filluan pas një goditjeje të policisë në një proteste mbi ‘Gezi Park’.

Protestat pastaj u zgjeruan, me demonstruesit që akuzonin qeverinë e zotit Erdogan për t’u bërë gjithnjë e më autoritare dhe duke u përpjekur për të imponuar vlerat konservatore islame në një shtet laik.

Vërshimi në shesh nga policia vjen pasi kryeministri Rexhep Tajip Erdogan ra dakord të takohet me organizatorët e protestës të mërkurën.

Mbështetur nga automjetet e blinduara, efektivët veshën helmeta dhe mburoja dhe u mblodhën rreth sheshit herët të martën para se të lëvizin barrikadat e ngritura nga protestuesit.

Ata hoqën parullat e protestuesve, që ishin varur në një ndërtesë me pamje nga sheshi.

Guvernatori i Stambollit, Huseyin Avni Mutlu tha se policia nuk kishte ndërmend të thyente protestën në ‘Gezi Park’.

“Qëllimi ynë është për të hequr shenjat dhe fotot në statujën

Ataturk dhe Qendrën Kulturore Ataturk. Ne nuk kemi asnjë qëllim tjetër”,- shkroi ai në Twitter. “Gezi Park dhe Taksim nuk do të preket.”

Lowen Mark i BBC-së, i cili është në shesh, thotë se kjo ishte një shfaqje e qëllimshme e forcës që mund të rrezikojë bisedimet e së mërkurës.

Demonstratat janë tani në ditën e tyre të 12-të. Trazirat u ndezën pasi policia u zhvendos për të shtypur protestat mjedisore mbi rizhvillimin e ‘Gezi Park’ më 31 maj.

Tre njerëz kanë vdekur dhe më shumë se 5.000 janë plagosur që kur filluan protestat.

Dorina Bilbili/IDEA/