"Dita e Veres", shqiptaret "perzene" dimrin L.Ndoka

Dita e Veres, duket se ka qene e tille ne te gjitha dimensionet. Qe nga festimet, e deri tek rrezet bujare te diellit, qe i dhane nje shkelqim te papershkrueshem festes. Sipas preferencave, turma njerezish kane rendur drejt aktiviteteve te organizuara nga Bashkia e Tiranes. Dikush ka soditur sfilaten e modeleve, nje tjeter ka stiluar floket, ndersa te tjeret kane preferuar te shijojne koncertet e ndryshme dhe performancat e akrobateve, apo te bandes se qytetit.
Festimet
Rrezet e para te diellit pranveror i kane nxitur kryeqytetasit qe te zgjohen pa pertese nga gjumi dhe te pergatiten per te kaluar nje dite te mbushur plot me te papritura. Variacionet e aktiviteteve qe ka ofruar Bashkia e Tiranes kane qene te shumta. Kesisoj, qytetaret kane rendur drejt qendres se Tiranes, duke i ndjekur pothuaj kronologjikisht itineraret e aktiviteteve. I pari veprim qe kane bere ata, kryesisht kategoria e femrave, ka qene venia e veroreve, qe sipas besetytnise, ato te heqin te keqijat dhe rrezet e demshme te diellit dhe te plotesojne te gjitha deshirat, nese vihen ne dore. Me pas, banoret e Tiranes, por edhe te ardhurit posacerisht per te festuar, nuk kane ngurruar te blejne bollokumet, simbol i kesaj dite, per t'iu kushtuar me tej, vetem argetimeve. Atmosfera festive duket qe nga zbukurimet qe ka bere bashkia, e deri tek veshjet e kryeqytetasve, te cilet duken te vendosur per ta shijuar deri ne fund gjithcka u ofrohet gratis.
Parukieret
Radhet per te perfituar nga sherbimi falas i parukiereve, kane qene te medha. Jo vetem femrat, por edhe meshkujt kane shprehur deshiren per te prere apo per te krehur floket, por edhe per t'i stiluar ato. Te drejtuar nga parukieri i njohur Ardi Borova, 10 grupe parukieresh te vendosur perreth qendres se kryeqytetit, kane ofruar sherbimin e tyre, prej nga i cili, "klientet" kane mbetur te kenaqur. Kjo ka qene risia e kendshme per kete vit, e cila u ka sjelle buzeqeshjen dhe ka nxitur kersherine e mjaft personave. Ndersa nuk ka kaluar pa u vene re edhe sfilata e modeleve, prane Rognerit. Duke dashur te prezantojne tendencen e modes per pranvere-vere 2010, vajzat e reja nuk kane ngurruar te vishen holle, mjaft qe shikuesit te ngelnin te kenaqur dhe te informoheshin mbi tendencat e moshes.
Te tjera
Gjate dites se djeshme ka munguar muzika, kenget dhe vallet popullore. Bulevardi "Deshmoret e Kombit" eshte kthyer ne nje panair argetues, per te gjitha moshat, e kryesisht per ato te rejat. Per 4 ore rresht, ne sheshin perpara Piramides, nje kuartet instrumental ka performuar muzike mjaft te pelqyer. Ndersa sistemi i karaokeve i ka ftuar te gjithe qe te beheshin protagoniste te kenges. Ndersa, sheshi "Nene Tereza" ka qene hapesira per te gjithe te pasionuarit e Skateboard-it dhe Grafitit. Gjithashtu, zona e ish-Bllokut i eshte dedikuar programit "Rock the Block". Koncerti ka filluar ne oren 20.00, me grupe te muzikes rock dhe alternative nga grupe evropiane dhe shqiptare. Skena eshte vendosur ne rrugen pedonale dhe ne te jane ngjiten per te performuar grupe te ndryshme muzikore.
"Kryeqytet" mbetet Elbasani
Festimet per te gjashtin vit radhazi te dites se veres ne Tirane, duket se kane bere qe kjo feste te kthehet ne tradite edhe ne kryeqytet. Banoret e ketij te fundit duken mjaft te kenaqur me gjithcka qe ka organizuar Bashkia, e, megjithate, ata qe kane pasur fatin t'i shijojne festimet edhe ne Elbasan, thone qe nuk mund te behet krahasim. "E kam festuar Diten e Veres per 33 vjet rresht ne Elbasan, ndaj festimet qe ben Tirana nuk me duken ne lartesine e Elbasanit. Ka permiresime, por ka ende shume per te bere ne kete drejtim", thote Fatmira, banuese ne Elbasan. ajo thote se e mendon nje gje te tille jo vetem nga aktivitetet qe atje jane me te larmishme, por edhe nga atmosfera.
Amvisat, gatim falas per te gjithe
Bashkia e Tiranes e ka kthyer ne tradite tashme, sherbimin e drekes falas nga amvisat, ne raste festash, si per shembull Dita e Veres, festa e clirimit te Tiranes, apo dita e Clirimit te Shqiperise. Keshtu, edhe dje, qytetaret qe kane zgjedhur te festojne ne shesh, kane mundur te gjejne edhe kendin e kulinarise shtepiake, gatime tradicionale te zones, qe jane ofruar per shijim nga nje grup amvisash te qytetit te Tiranes, bashke me receten e gatimit. Ndersa shume kryeqytetas te tjere nuk ia kane privuar vetes piknikun, duke ngrene ne mes te gjelberimit, ne kodrat e Liqenit Artificial ne Tirane. Ashtu si edhe ne cdo feste edhe kete here nje pjese e mire e qytetareve nuk do te shkeputen nga "vesi" i te drekuarit lulishteve. Duke u mbledhur familjarisht do te percjellin edhe urimet per deshirat e tyre me te medha te cilat te nisin te plotesohen brenda kesaj stine. Ndersa, pjesa me e madhe e kryeqytetasve pas nje shetitje kane zgjedhur te festojne ne shtepi ashtu sikurse edhe festa te tjera familjare ku pergatisin nje ushqim te vecante dhe festojne se bashku me familjaret e tyre.