“Ditë e paharrueshme”: data 26 maj, derbi mes Kumbullës dhe Canës

26 maji nuk është një ditë e zakonshme për këdo që është i apasionuar pas futbollit. Data e festuar deri pak ditë më parë nga tifozët e Lacios për Kupën e Italisë të fituar në vitin 2013, po nxit një derbi në distancë të gjatë.

Data 26 maj – Bilbili i trefishtë me të cilin Istvan Kovacs përfundoi finalen e Conference League erdhi pak para orës 23:00 të së mërkurës, 25 maj. Por data e festimeve të Romës është ajo e 26 majit. Sepse ishte rreth mesnatës që romanistët dolën në rrugë për të festuar trofeun që sapo kishin fituar. Dhe sepse kjo është gjithmonë data e festimeve në Circo Massimo.

Postimi i Kumbullës – E kështu, pak orë pasi ka zbritur nga autobusi i hapur, Marash Kumbulla ka postuar fotot e tij me kupën dhe festimet në Circus Maximus dhe Colosseum. “Gjysmë e verdhë… gjysmë e kuqe. Roma është verdhekuq”, ka komentuar qendra shqiptare, e cila në vendlindjen e tij sapo ka fituar edicionin e parë të Conference League.

Në rilançimin e hashtagut #Romahavinto, Kumbulla postoi emojin e filxhanit krahas fjalëve “Ditë e paharrueshme”. Një vëzhgim që nuk ka kaluar pa u vënë re nga ana e bardhekaltërve. Edhe sepse mbërriti pas një dite ngacmimesh, me fansat e verdhekuqve që talleshin me takimin përmes rrjeteve sociale, duke shkruar se “E hoqëm edhe 26 majin”.

“Ok vëllai im, gjithçka e bukur, gjithçka e merituar – komentoi ish-futbollisti Lorik Cana, duke iu përgjigjur bashkatdhetarit të tij – por mësoni që 26 maji është simboli i hegjemonisë së SS Lazio”, ka shkruar Cana, i cili ka veshur fanellën bardhekaltër mes viteve 2011 dhe 2015. pra edhe në vitin e Kupës së Italisë fituar nga bardhekaltërit, më 26 maj, ndaj Romës. Kampionati i Serisë A dhe të gjitha garat e futbollit tashmë kanë përfunduar, por derbi vazhdon.