Djali i Bin Ladenit kërkon “dëshmi bindëse”

Komunikata e publikuar në “The New York Times” i atribuohet Omar bin Laden-it, djali i katërt më i madh i liderit të AL-Kaedës. Aty theksohet se ai ka të drejtë të ndërmarrë veprime ligjore kundër SHBA-ve dhe ndërkombëtarisht të përcaktojë fatin e babait të tij të zhdukur.

“Ne mungesë të trupit të vdekur, fotografive dhe videove, ne nuk jemi të bindur për vdekjen e babait tonë natyral”, theksoi djali i Osama bin Laden duke kërkuar “dëshmi bindëse”.

Presidenti i SHBA-ve Barak Obama theksoi se i superkërkuari Osama bin Laden u vra nga forcat speciale amerikane në qytetin pakistanez të Abotabad-it. Trupi i tij u varros pak pas vrasjes në det, sipas Shteteve të Bashkuara të Amerikës./Start/F. Prroni/

                                                                                             2011-05-11 15:21