Do të ndërtohet Titaniku 2
Miliarderi australian, Kliv Palmer, planifikon të ndërtojë versionin e shekullit 21 të anijes fatkeqe Titanik.
Palmer u ka thënë gazetarëve se ka nënshkruar memorandum me kompaninë kineze CSC për të ndërtuar Titanikun 2, i cili do të jetë gati për të lunduar në vitin 2016.
“Do të jetë po aq luksoz si Titaniku origjinal, por, natyrisht, do të ketë teknologjinë e shekullit 21 dhe sistemet e fundit të navigacionit dhe të sigurisë”, ka thënë Palmer.