"Do te ndertojme HEC-in e Skavices"
Rozeta Rapushi
Qeveria planifikon te ndertoje nje hidrocentral ne Skavice ne kaskaden e Drinit, qe do t'i kushtoje asaj gjysme miliarde euro. Kryeministri Sali Berisha, tha dje gjate mbledhjes se qeverise, se nje projekt shume i rendesishem ne fushen energjetike po perpilohet per ne kaskaden e Drinit. Projekt qe sipas tij, do te shtoje me rreth 350-400 megavat prodhim energjie si dhe do te optimizoje tere funksiononim e kaskades. "Kjo ide ka rreth 30 vite qe qarkullon ne te gjitha kabinetet dhe institucionet energjetike te vendit. Ne jemi para dy alternativave. E para eshte te shkojme serish te tenderi. Por ka edhe nje alternative tjeter qe, te jem i sinqerte me ju, me eshte dukur gjithnje me e mira, qe qeveria shqiptare te marre persiper ndertimin e kesaj vepre te mrekullueshme energjetike",-tha kryeministri. Sipas tij, qeveria po e konsideron vete ndertimin e kesaj vepre gjigante. Berisha u shpreh se Ministria e Ekonomise dhe Energjetikes, KESH-i dhe agjenci te tjera duhet ta shqyrtojne me hollesi, te hapin tenderin per projektin, nga studimet fillestare deri tek projekti i zbatimit, ose te percaktoje parimet dhe ta tenderoi me celesa ne dore. "Ne duhet ta ndertojme Skavicen. Kaskada eshte nje pasuri e madhe dhe Skavica eshte kurora e kaskades, nena e te gjitha digave nen te. Mendoj se nuk duhet qe te pranojme qe kjo pasuri e madhe natyrore te mos shnderrohet ne nje vlere reale per te gjithe qytetaret shqiptare. Ne kohen qe pergatitet projekti, i cili kerkon nje kohe minimumi nje vit, maksimumi dy vjet, edhe projektet e medha te rrugeve do te kene marre zhvillimin", vijoi kreu i qeverise. Ndonese nuk dha siguri se projekti do te mbarohet, Berisha tha se qeveria e tij duhet ta filloje ate gjate ketij mandati, duke shprehur bindjen se ne mandatin tjeter, ajo do te jete vepra kryesore publike qe ndertohet ne vend. Kreu i qeverise, kerkoi nga KESH qe te nise menjehere pergatitjet, duke marre persiper se qeveria do te mbuloje garancine e kredise qe do te marre. "Kjo veper duhet te marre jete, nuk duhet te qendroje me si fantazme ne sirtaret e burokracise shqiptare. Ajo eshte e domosdoshme. Kjo ishte kryefjala e mbledhjes se sotme. Pas dy viteve, Skavica do te jete projekti lider i puneve publike ne republiken e Shqiperise. Ne duhet ta ndertojme Skavicen dhe Shqiperia i ka te gjitha potencialet per te ndertuar kete veper mahnitese, pasi e tille eshte per funksionet qe ajo merr", theksoi kreu i qeverise.
Kryeministri: Skavica do te ule ndjeshem permbytjet
Ndertimi i nje hidrocentrali ne kaskaden e Drinit, sipas kryeministrit Sali Berisha, do te ulte ndjeshem mundesite e permbytjeve te medha ne zonen e nen Shkodres. Duke shpjeguar projektin per ndertimin e HEC-it ne Skavica, Berisha tha se ai do te ishte nje lloj tamponi ne permbytje te tilla. "Skavica normalisht duhet te kishte qene hidrocentrali i pare qe duhej ndertuar ne kaskaden e Drinit. Pozicioni i saj natyror e ben ate nje nga vendet me te pershtatshme ne tere Evropen per ndertimin e nje hidrocentrali. Skavica eshte nje nga ngushticat me te ngushta ne vendin e presupozuar qe do te ndertohet diga, por dhe me shpatulla shkembore me te forta", tha Berisha. Sipas tij, qeveria duhet ti permbahet parimit, permbytja me e vogel, prodhimi me i madh. "Ne rast se kete janar, pavaresisht nga fatkeqesia natyrore, KESH-i ia doli te prodhoje nje sasi te pa prodhuar kurre me pare, rreth 700 milione kilovat/ore, ndertimi i Skavices kete prodhim e ben te mundur ne teresi, pa varesi te medha nga koha, edhe pse sigurisht qe ka nje ndikim, por shume me te vogel", theksoi ai.