Dorë për dore në Champions League

Inter dhe Napoli janë ndarë me rezultat të barabartë 1-1 në kuadër të javës së 37-të në Serie A. Me këtë pikë të fituar “Nerazurrët” sigurojnë pozitën e dytë në renditjen tabelore të ligës italiane ndërsa napoletanët vendin e tretë.

Golin e parë në ndeshje e shënoi sulmuesi kamerunas i Interit, Samuel Eto`o në minutën e 14-të ndeshjes. Kur të gjithë menduan se pjesa e parë e ndeshjes do të përfundoj me këtë epërsi të kaltërezinjëve të Milanos, napoletanët arritën të barazojnë rezultatin 1-1, në sulmin e fundit të kësaj pjese me anë të sulmuesit të disponuar për ndeshje Zuniga (`45+).

Në pjesën e dytë të ndeshjes megjithëse futbollistët e të dyja ekipeve organizuan aksione të rrjedhshme nuk pati gola dhe kështu Inter dhe Napoli siguruan pjesëmarrjen drejtpërdrejt në garën më të madhe europiane në futboll, Champions League.