Dorëshkrimi i Kadaresë do ruhet në arkivin e shtetit

Në pritje të marrjes së vendimit përfundimtar të gjyqit midis Ismail Kadaresë dhe Nexhmije Hoxhës,dorëshkrimi original i romanit “Dimri i Vetmisë së madhe”, do të qëndrojë në arkivën e shtetit.

Gjykata e Tiranës ka pranuar kërkesën e avokatëve të Kadaresë për sigurimin e padisë në një vend neutral përsa kohë do të vazhdojë gjyqi e të merret vendimi përfundimtarë se kujt do ti takojë dokumenti original.
 

Ndërsa avokati i Nexhmije Hoxhës Aranit Roshi,u shpreh se klientja e tij është dakord që të dorëzojë dorëshkrimin në arkiv,por ajo në asnjë moment nuk do të heqë dorë nga pronësia e tij, duke e argumentuar kërkesën e tij në ligjet e kohës.
 

Avokatët e Kadaresë e kanë argumentuar se klienti i tyre nuk ia ka dhuruar dorëshkrimin Hoxhës, por ia ka lënë në ruajtje dhe ajo duhet t`ia kishte dorëzuar dokumentin arkivës. Kjo për faktin se gjatë kësaj periudhe ai mund të jetë dëmtuar dhe kjo do të përbente një humbje të madhe për letërsinë dhe gjuhen shqipe