Drejtoria e Burgjeve: tender per Burrelin

Drejtoria e Pergjithshme e Burgjeve do te zhvilloje edhe nje tender per burgun e Burrelit. Pikerisht behet fjale per nje tender, i cili do te jete per rikonstruksionin e ketij burgu. Ambientet dhe kushtet e burgut te Burrelit pritet qe te ndryshojne me nisjen e rikonstruksionit. Arsyet kane te bejne pikerisht me rregullimin e kushteve ne burg, si dhe eliminimin e mbipopullimit, per te cilen te burgosurit e ketij burgu e kane bere te ditur drejtuesve te drejtorise, dy dite me pare, kur keta te fundit kishin shkuar pas arratisjes se dy te burgosurve. Ne ankesat e paraqitura dy krereve, te burgosurit kane pasur shqetesime ne lidhje me mbipopullimin ne kete burg. Nderkohe qe menjehere pas nisjes se rikonstruksionit mesohet se te burgosurit do te transportohen ne dy burgje te tjera ta sigurise se larte, deri ne perfundim te rikonstruksionit ne kete burg. Institucioni i vuajtjes se denimit ne Burrel eshte nje nder burgjet me te vjeter ne Shqiperi. Ai u perurua nga Kryeministri Koco Kota, ne kohen e mbretit Zog, dhe me pas u perdor per te mbajtur kriminele te konsideruar "teper te rrezikshem". Gjate periudhes se diktatures komuniste ishte nder burgjet me famekeqe, ku dergoheshin per t'u izoluar kryesisht persona me tendenca te forta kunder regjimit. Ne vitet '90, burgu u ripershtat dhe u perdor per te mbajtur kriminele ordinere, per te cilet ne vendimet e gjykatave shkruhet se "duhet te dergohen ne nje burg te sigurise se larte". Deri perpara disa ditesh, institucioni ku mbahen rreth 700 te denuar, konsiderohej si burgu me i sigurt ne vendin tone.

R.C