Druri “i pakuptueshëm” i Jetës

Polemika e parë e madhe që shpërtheu në mesin e gazetarëve të akredituar në Festivalin e Cannes, çuditërisht, nuk kishte të bënte me seksin, as me politikën, e as me luftën, por me filmin e shumëpritur “The Tree of Life”, të regjisorit Terrence Malick, njërit prej artistëve më të mëdhenj dhe më të pakuptuar të kinematografisë së sotme. Nga Express më 20 maj 2011 në ora 16:46

Opusi simfonik i Malick nga gazetarët u prit i kombinuar, me duartrokitje dhe me pakënaqësi.

Rrëfimi intim familjar për edukimin në vitet e pesëdhjeta të tre djelmoshave në Teksasi, është kombinuar me asgjë më pak se me krijimin e gjithësisë, ndarjen e qelizave, dinozaurët që shëtisin xhunglave dhe me shqyrtimin teologjik të librit për Jova’n.

Edhe pse i lavdëruar si një kryevepër, por edhe i përqeshur nga kritikët dhe bllogerët si një ‘marrëzi’ pretencioze, “Druri i Jetës” duket se ka ndarë kritikët, megjithëse të gjithë vlerësuan se bëhet fjalë për një film që “tretet” edhe gjatë kohë pas shikimit.

Vetë Malick, që njihet si njeri i turpshëm dhe i vetmuar, nuk është shfaqur fare në Cnnes, ka refuzuar të flas për filmin dhe ka ndaluar publikimin e fotografive të tij nga materialet promovuese. Kështu që ylli (dhe producenti) i filmit, Brad Pitt, u shfaq pothuajse i vetmuar në konferencën për gazetarë, duke u munduar që të mbronte regjisorin. Pitt qëndrimin refuzues të Malick ndaj publikut e krahasoi me ndërtimtarët.

“Nuk e di përse në industrinë filmike ekziston një rregull i pashkruar, sipas të cilit ata që krijojnë diçka duhet atë edhe ta shesin. Malick ka ndërtuar një shtëpi, por po refuzon që të jetë edhe agjent për shitjen e saj”, theksoi Pitt.