Durres-Kukes, Isaraj kunder Topallit

Nenkryetari i komisionit hetimor per Durres-Kukes, Arben Isaraj, akuzoi dje se diktatura e korrupsioni po pengojne hetimet. Deputeti socialist denoncoi se ne tre muaj pune ka zhvilluar vetem pese mbledhje dhe kerkesat e opozites per hetim rrezohen njera pas tjetres. “Diktatura e korrupsioni ka pushtuar shtetin shqiptar! Komisioni eshte perpara nje problemi te madh, qe eshte ndryshimi ne kundershtim me ligjin per komisionet hetimore te objektit te veprimtarise se ketij komisioni nga kryetarja Topalli”, etiketoi Isaraj. Sipas socialistit kerkesa e Grupit te PD-se thote se objekt i punes do te jete hetimi i veprimtarise se autoriteteve publike te perfshira ne projektin madhor te ndertimit te rruges Durres-Morine. “Ndersa Kryetarja e Kuvendit kur zbardh kerkesen ne vendimin perkates objektin e redukton dhe ky komision vjen me nje objekt shume te ngushte, qe eshte hetimi i procedurave te tenderimit te rruges Durres-Kukes-Morine”, kritikoi deputeti.