Durres tre aksidente brenda 30 minutash 2 te vdekur

DURRES - Tre aksidente te renda me dy persona te vdekur dhe nje te plagosur rende u regjistruan pasditen e djeshme ne rruget e qarkut Durres. Brenda rreth 30 minutash policia mberriti ne te tre vendet ku konstatoi se behej fjale per aksidente me humbje jete. Viktima e pare eshte nje 75-vjecare e cila po tentonte te kalonte autostraden Tirane-Durres prane mbikalimit te Shen Vlashit kur u perplas per vdekje nga furgoni me targa te Kucoves KV 2754 qe drejtohej nga shtetasi Edmir Skurja. Deri ne mbremje ajo nuk ishte identifikuar por dyshohet se eshte banore e zones ku ndodhi aksidenti. Drejtuesi i furgonit 24-vjecari Skurja se bashku me pasagjeret e tij kane njoftuar policine dhe kane transportuar te moshuaren drejt spitalit te Durresit por ndihma mjekesore ka qene e kote. Pas disa minutash u shenua aksidenti i dyte ne rrugen nacionale Durres-Kavaje. Burime policore kane bere te ditur se nje shtetas eshte aksidentuar nga nje mjet por pa mundur te identifikojne autorin. Sipas policise viktima eshte shtetasi Hamit Peza 54 vjec. Ai mesohet se po ecte ne ane te rruges kur eshte perplasur nga mjeti qe ecte me shpejtesi. Ne oret e mbremjes nje tjeter aksident kete here me plagosje u shenua prane rrethrrotullimit ne Shkozet. Dhe ne kete rast drejtuesi i mjetit eshte larguar duke e lene kalimtarin ne gjendje te rende. Udhetaret e rastit i dhane ndihmen e shpejte 64-vjecarit Gezim Hasa. Me gjithe shtimin e kontrolleve nuk jane identifikuar drejtuesit e mjeteve qe u larguan nga vendi i ngjarjes.