Durresi nen uje, permbyten 2 shkolla, rruget dhe shtepite

Prej kater ditesh edhe qyteti i Durresit gjendet nen pushtetin e ujerave. Gjendja e krijuar ka vene ne alarm jo vetem banoret e zonave periferike qe njihen per nivelin e ulet nga deti, por edhe autoritetet vendore. Dita e djeshme ka qene vertet per te mos u harruar, kur rrekete e shiut kane vershuar ne zonat e banuara dhe qytet, duke shkaktuar permbytje. Situata eshte favorizuar edhe nga nderprerja e energjise elektrike gjate mbremjes se shtune, duke mos funksionuar hidrovori ne zonen e Porto-Romanos dhe ku rezultojne te pakten 20 banesa nen uje. Probleme ka pasur ne rrugen kryesore te kesaj zone dhe dy shkollat e qytetit qe u permbyten ne katet e para. Banoret thane se shkolla e mesme "Olsi Lasku" ne Shkozet dhe ajo 9-vjecare ne Porto-Romano, jane demtuar nga shirat dhe u bllokua rruga e Spitalles dhe banesat ne zonen e ish-Kenetes. Ujerat e kanalit kryesor te Durresit dolen nga shtrati i tyre dhe vershuan ne rruge e neper oborret e banesave. Situata e krijuar paralizoi edhe punen ne portin detar te Durresit, duke mos lejuar qofte edhe per nje ore te vetme hapjen e hambareve te anijeve. Shtabi i emergjences ne nivel prefekture ka qene ne gatishmeri gjate nates dhe ne disa raste, ka derguar mjete pune per pompimin e ujerave nga katet e para te disa objekteve, si dhe nga garazhi i permbytur.

Gjendja

Vetem ne oret e pasdites se djeshme eshte kthyer normaliteti, por situata vleresohej katastrofike per shkak te kushteve atmosferike te keqija. Nderkaq, ne portin detar funksionoi vetem terminali i trageteve, ne nje kohe qe sektoret e tjere mbeten te paralizuar.