Dy histori tronditëse me shqiptarë në Itali
Dy familje shqiptare kanë tronditur opinionin italian, teksa pas një zënke, një emigrant shqiptar ka mbetur i vdekur. Por, nuk ka mbetur me kaq, pasi një 12-vjeçare shqiptare u kthye në skllave nga babai i saj dhe jetoi e punoi në kushte çnjerëzore për muaj të tërë në Itali, ngjarje tronditëse e raportuar nga Il Giornale dhe të përditshme të tjera italiane.
Ansa, agjencia italiane e lajmeve raporton se një 31-vjeçar ka mbetur i vdekur si pasojë e goditjeve me thikë që ka marrë nga një 35-vjeçar që ishte bashkëkombës dhe kunat i tij. Ai ka humbur jetën në spital pasi kishte marrë shumë plagë të rënda.
Sipas policisë italiane 31-vjeçari ka mbetur viktime pasi ka ndërhyrë për të mbrojtur motrën e tij, e cili kishte probleme me burrin.
Policia italiane nuk ka bërë të ditur identitetin e viktimës dhe vrasësit në këtë rast por mendohet se e gjitha kjo ka ardhur për shkak të insistimit të 35-vjeçarit që bashkëshortja e tij të rikthehej në shtëpinë e tyre pasi kjo e fundit ishte larguar për arsye të cilat nuk dihen.
Një 12-vjeçare shqiptare sakaq u kthye në skllave nga babai i saj dhe jetoi e punoi në kushte çnjerëzore për muaj të tërë në Itali, ngjarje tronditëse e raportuar nga Il Giornale dhe të përditshme të tjera italiane.
Babai 37-vjeçar dhe nëna ekuadoriane, të përfunduar të dy në pranga për abuzim me të mitur, trajtonin prej vitesh vajzën e tyre si një kafshë pune, duke e detyruar të bënte të gjitha punët e shtëpisë, ndërsa e ushqenin me atë që mbetej nga tryeza e tyre dhe e linin të flinte përtokë.
E mitura, e cila kishte edhe dy vëllezër ndaj të cilëve rezervohej një trajtim krejtësisht normal, ishte e detyruar të lante të gjithë shtëpinë, pjatat, dyshemene, të gatuante dhe të bënte të gjithë detyrat e tjera, të cilat nëse nuk i realizonte me sukses, dënohej duke e nxjerrë nudo në tarracën e shtëpisë në mes të të ftohtit ose duke e mbyllur për orë të tëra në një dollap të errët.
Si pasojë e abuzimit të vazhdueshëm, siç bëjnë të ditur burimet policore, vajza nuk është në gjendje të flasë dhe as të shqiptojë emrin e saj. Në momentin e arrestimit, në qytetin e Rapalos, shqiptari, identetiti i të cilit nuk bëhet i ditur për momentin, u justifikua duke i thënë autoriteteve që e trajtonte ashtu të bijën pasi ajo ishte shumë e djallëzuar.
Arrestimi i babait monstër ndodhi pasi lajmërimit të fqinjëve, që kishin pikasur për të disatën herë vajzën e zhveshur në tarracën e shtëpisë dy-katëshe. Së bashku me gruan ekuadoriane, shqiptari ishte një punëtor sezonal, por me dokumentar të rregullta.