Dy rritje pagash per mesuesit

Krahas rritjes se pervitshme, do te behet edhe rritja per ata qe e marrin provimin e kualifikimit
Arsimtaret edhe kete vit do te mund te perfitojne dy rritje pagash. E para do te ndodhe si rezultat i rritjes se pervitshme, sipas politikave te qeverise dhe rritja e dyte do te behet pas provimit per shkallen e kualifikimit, qe me pas sjell edhe stimulimin financiar. Sipas njoftimeve te deritanishme, ende nuk eshte percaktuar qarte masa e rritje se pages per arsimtaret, por pritet te rritet afersisht me 8 per qind. Nga ana tjeter, rritja sipas shkalles se kualifikimit eshte fikse.
Perqindja
Provimi i kualifikimit qe do te zhvillohet me 24 prill te ketij viti, do te shoqerohet edhe me rritje page te konsiderueshme. Sa me e larte te jete shkalla e kualifikimit, aq edhe me e larte do te jete edhe perqindja e kesaj rritjeje. Keshtu, sipas rregullores per shkallen e trete te kualifikimit rritja eshte 5 per qind, per shkallen e dyte 10 per qind dhe per shkallen e trete, qe i kalon te 20 vitet e punes ne arsim, paga do te rritet ne masen 20 per qind. Ndersa sa i perket rritjes nga qeveria, ende nuk eshte publikuar nje shifer fikse. Kryetari i Keshillit te Ministrave deklaroi pak kohe me pare, se rritja mesatare per buxhetaroret do te jete mesatarisht 5 per qind, porse rritja per sektorin e arsimit dhe shendetesise do te jete pak me e larte. Burime te rezervuara parashikojne nje rritje ne masen 8 per qind, ndaj edhe llogarite e meposhtme jane bere pikerisht me kete shifer optimale.
Rritja konkrete
Keshtu, duke marre si te mireqene shifren 8 per qind te rritjes nga qeveria si dhe rritjen fikse te percaktuar nga rregullorja e atestimit, arsimtaret do te perfitojne shtesa te konsiderueshme ne pagen e tyre bruto. Megjithese paga eshte e diferencuar edhe sa i perket llojit te arsimit ku mesuesi jep mesim. Ne gjimnaze, pagat jane me te larta se ne shkollat e arsimit baze. Keshtu, ne shkollat baze, nuk ka page me te ulet se 44.700 leke, e cila perkon me pagen e pritshme (ne saje te dy rritjeve), per mesuesin qe posedon shkallen e trete te kualifikimit. Mesuesi qe ka shkallen e dyte te kualifikimit, pritet ta kete pagen mesatarisht 46.000 leke, ndersa ai me mbi 20 vjet pune do te marre mbi 56.000 leke. Ndersa mesuesit e gjimnazeve do te jene me te "privilegjuar", sa u perket shifrave te rritjes se pages. Asnje prej tyre, qofte edhe ne shkallen e trete te kualifikimit nuk do te marre nen 50.000 leke, ndersa mesuesi i shkalles se trete pritet te marre nje page bruto prej 72.499 mije lekesh.
L.Ndoka

Rritja prej atestimit
Ne baze te rregullores per provimin e mesuesve, mesuesi perfiton shtese ne page qe per kategorine e trete eshte plus 5 per qind, per te dyten plus 10 per qind dhe per te paren plus 20 per qind. Mesuesi, i cili s'kualifikohet ne provim, nuk kualifikohet per nivelin perkates qe ka kerkuar, por ka mundesi te aplikoje serish vitin e ardhshem.

Sa behen pagat ne total, duke llogaritur shtesen 8 per qind (afersisht) dhe shtesen sipas 3 shkalleve te kualifikimit:

Mesues te arsimit baze: eshte behet
Fillestar 39 638 44 790
Me 10 vite pune 39 035 46 069
Me 25 vite pune 44.300 56 704

Mesues te arsimit te mesem:
Nga 5-9 vjet pune 44453,2 50231
Me 10 -19 vite pune 48673,9 57 434
Me mbi 20 vite pune 56640 72 499

Shtesa e pages sipas kategorive:
Nga 5 deri ne 9 vjet, (shkalla e trete), 5% shtese mbi pagen
Nga 10 deri ne 19 vjet (shkalla e dyte) 10% shtese mbi pagen
Nga 20 vjet e me shume (shkalla e pare), 20% shtese page

Buxheti
Per vitin 2009, buxheti i arsimit ishte 41 miliarde e 169 milione leke dhe investimet u njoftua, se u rriten me 36 per qind. Per arsimin baze u parashikuan shpenzime ne vleren e 3.2 miliarde lekeve dhe per te lartin 9.6 miliarde, nga 6.8 qe jane shpenzuar vitin paraardhes, pra ne 2008.