E kafshon gjarpri, vdes femija
Korce- Nje femije 6-vjecar nga fshati Leminot i Korces, ka gjetur vdekjen pas pickimit fatal nga gjarpri. Ngjarja tragjike ka ndodhur pasditen e se dieles, por familjaret e derguan vogelushin me shume vonese ne spitalin rajonal per mjekim, pasi nuk e kuptuan qe ai ishte kafshuar nga zvarraniku vdekjeprures. Sipas burimeve zyrtare te policise, 6-vjecari Viktor Balliu, ne shoqerine e vellait dhe te kusherinjve te tij, po shkonte per t'u lare ne rezervuarin e fshatit. Por duke ecur per te shkuar atje, femijet kane kaluar nepermjet nje are te mbjelle me jonxhe. Duket se kjo, ka qene fatale per vogelushin. Femija eshte pickuar nga gjarpri ne kurrizin e kembes. Rreth ores 20:50 te mbremjes, femija eshte derguar ne urgjencen e spitalit te Korces. Ne sallen e reanimacionit, bejne te ditur burime nga spitali, i eshte dhene ndihma mjekesore dhe me tej, eshte bere perpjekja per t'i dhene nje mjekim me te specializuar ne Tirane. Por gjate transportit me ambulance per ne Spitalin "Nene Tereza" ne kryeqytet, femija ka nderruar jete. Policia ben te ditur se trupi pajete i te ndjerit, eshte derguar ne morgun e spitalit te Korces, ku edhe u kryen veprimet hetimore. Nga mjeku anatomo-pathollog, eshte pershkruar ne raport se ne kurrizin e kembes se majte u konstatuan tre demtime ne forme gervishtje, me gjatesi 0,1 mm, karakteristike keto te kafshimit te gjarprit. "Nga teresia e veprimeve te kryera, rezulton se shkaku i vetem, eshte helmimi nga gjarpri", njoftoi policia vendore dje pas hetimit paraprak te ngjarjes. Nderkohe qe mjeket jane te mendimit se 6-vjecari eshte sjelle ne urgjencen e spitalit, ne gjendje te renduar nga vonesa, ku antihelmet duket se kane qene te pasuksesshme per te mbajtur 6-vjecarin ne jete. "Nese do te ishte sjelle me shpejt ne spital nga familjaret, femija edhe mund te shpetonte, pasi medikamentet do te jepnin efekt, duke e nxjerre nga rreziku vogelushin", u shprehen bluzat e bardha pasi u njoftuan per fundin tragjik te vogelushit. Te marre ne pyetje nga policia, prinderit u shprehen se e mesuan shume vone ngjarjen, pasi shendeti i djalit u perkeqesua se tepermi.