Kushtetuesja, heq dore nga "Gerdeci"

Gjykata Kushtetuese nuk do te marre ne shqyrtim, ankesen qe familjaret e viktimave te tragjedise se Gerdecit, kane bere per te ndjekur procesin ndaj te akuzuarve nga prokuroria. Kolegji i gjyqtareve ne Kushtetuese, vendosi pak dite me pare, qe nje kerkese e tille te mos merret ne shqyrtim nga anetaret e Kushtetueses. Per faktin e vetem, se kjo gjykate nuk mund te marre ne shqyrtim nje ceshtje, mbi te cilen Gjykata e Larte nuk ka dhene ende nje vendim. Per rrjedhoje, Kushtetuesja vendosi qe te mos e kaloje as ne shqyrtim ne seance plenare, kerkesen e familjareve te 26 viktimave te Gerdecit, te cilet kerkojne qe te mos perjashtohen nga ndjekja e procesit te hetimit te personave, te akuzuar per tragjedine e 15 marsit ne Gerdec. "Ndodhemi perpara nje vendimi te ndermjetem, qe nuk ka te beje me nje gjykim perfundimtar dhe ne keto kushte, kur gjykata nuk ka nisur hetimin gjyqesor, pretendimet e kerkuesve nuk gjejne pasqyrim ne aktet e kesaj ceshtjeje", vendosi Kolegji i gjyqtareve ne Gjykaten Kushtetuese. 17 familjare te viktimave te tragjedise se Gerdecit, iu drejtuan kohe me pare kesaj gjykate, per te fituar te drejten e ndjekjes se procesit hetimor per te akuzuarit e tragjedise. Pas deshtimit te kesaj tentative, familjaret e viktimave premtojne se do te ankohen deri ne Gjykaten e Strasburgut per te drejtat e njeriut. Familjaret ankohen kunder vendimit te Gjykates se Larte, i cili i perjashtonte ata nga procesi aktual, duke i derguar ne nje proces me vete civil. Duke u nisur edhe nga precedente te meparshem, familjaret do t'i drejtohen gjykates ne Strasburg me pretendimin se pala e demtuar, ka te drejte ta ndjeke procesin gjyqesor qe behet ndaj te akuzuarve. Familjaret e viktimave te tragjedise se Gerdecit, paditen kohe me pare, ish ministrin e Mbrojtjes, Fatmir Mediu, por edhe Mihal Delijorgjin, si dhe kerkuan nje demshperblim prej 20 milione lekesh, per cdo jete qe humbi nga shperthimi i depos se municioneve ne Gerdec. Padia e tyre nuk u perfshi ne kete proces qe po vijon Gjykata e Larte, por iu la Gjykates Civile ne kryeqytet. Gjykata e Larte, ka ne axhenden e saj te punes, gjykimin ne kete proces te ish-ministrit te Mbrojtjes, Fatmir Mediu.

Ankesa

Familjaret e viktimave te tragjedise se Gerdecit, do te ankohen ne Gjykaten per te Drejtat e Njeriut, ne Strasburg, kunder vendimit te dhene nga Gjykata e Larte, per te mos ndjekur procesin hetimor qe po kryhet ndaj te akuzuarve te tragjedise.