Zjarri ne Mashkullore, shoqerohen 2 barinjte

Gjirokaster- Zjarri ne Mashkullore rrezikon jo vetem jeten e banoreve, por edhe depozitat e naftes se shoqerise ARMO, te vendosura ne kodren e Viroit ne Gjirokaster. Policia nderhyn per te shmangur pasojat e renda dhe shoqeron ne komisariat, dy barinj qe kullosnin bagetite ne kete zone. Mengjesin e djeshem, flaket perfshine zonen, duke kercenuar te shkaktonte nje aksident te rende. Ka qene ora 09:30, kur persona te rastesishem qe ndodheshin ne kete zone kane pare flaket dhe tymin qe nisen te mbulonin siperfaqen kullosore ne vendin e quajtur Virua, 3 km nga qyteti. "Ne u informuam nga deshmitare okulare se flaket e zjarrit, te cilat kishin nisur te shkrumbonin siperfaqen kullosore te kodres se Viroit po i afroheshin rezervuareve te naftes", thane burime zyrtare ne policine e Gjirokastres. Brenda pak minutash, te ndihmuara nga era dhe bari i thate, flaket jane perhapur me shpejtesi pergjate faqes se kodres ne nje distance rreth 500 metra larg depozitave te naftes. Efektivet e policise dhe ato te sherbimit zjarrfikes, kane nisur punen me qellim shuarjen e zjarrit dhe mbi te gjitha shmangien e nje aksidenti te mundshem qe mund te shkaktonin flaket ne rezervuaret e naftes. Brenda 30 minutash efektivet zjarrfikes ne bashkepunim edhe me policine, kane bere te mundur izolimin e vatres se zjarrit dhe me pas shuarjen e saj. Sipas burimeve ne grupin hetimor, ne ambientet e policise lokale jane shoqeruar 2 barinj qe po kullosnin delet ne kete zone, deklarimet e te cileve synojne zbardhjen e plote te kesaj ngjarje.

Blerim Kore