E perjashtojne nga shkolla, vetevaret i mituri
Perjashtimi nga gjimnazi, dyshohet te jete shkaku qe ka cuar drejt vetesakrifikimit nje te mitur nga qyteti i Bilishtit. Banoret gjeten te varur ne nje peme rreth, ores 12:00 te dites se djeshme, trupin e 17-vjecarit Mikel Ajce. Policia vendore eshte njoftuar per ngjarjen e rende dhe megjithese i eshte dhene ndihma e pare, nxenesi i vitit te trete ne shkollen e mesme te Bilishtit nuk ka mundur te mbijetoje. Hetuesit moren ne pyetje familjaret e viktimes, te cilet te tronditur nuk i kane besuar lajmit. Ata kane rrefyer se Mikeli kishte dale dy ore para se te gjendej i vetevarur me qellim ndjekjen e shkolles. Por inspektoret zbuluan se stafi pedagogjik e kishte perjashtuar te miturin per shkak te mungesave dhe rrethanave te tjera. Policia tha dje, per gazeten “Koha Jone”, se si motiv i vetevarjes se 17-vjecarit vleresohet depresioni per shkak te perjashtimit nga shkolla, pasi ne vendngjarje u gjet edhe nje leter e shkruar nga viktima. Mesohet se ne leter, Ajce shkruante per motivin kryesor qe po e conte ne veteflijim, qe ishte nxjerrja e tij jashte shkolles. Burime policore thane se kane ngritur nje grup hetimor, pasi do te analizohet nese perjashtimi nga shkolla e gjimnazistit ka qene objektiv dhe i bazuar. Ne pyetje jane marre drejtori i shkolles, mesuesit dhe shoket e 17-vjecarit. Vetem diten e sotme priten rezultatet e para te hetimit per ngjarjen e rende. “Mikeli na tha se do shkonte ne shkolle dhe dy ore me vone mesuam tragjedine. Nuk e dinim qe ishte perjashtuar nga shkolla, pasi nuk na kishte treguar asgje”, mesohet te jene shprehur prinderit e te miturit dje gjate marrjes ne pyetje.
G.Ashimi