E perplas "Benz"-i ne superstrade, vdes kembesori 59-vjecar

ELBASAN- Perplasja nga autovetura i ka shkaktuar vdekjen nje 59 vjecari ne Elbasan. Ngjarja ka ndodhur ne oret e vona te se shtunes, ne superstraden Elbasan-Metalurgji, ne afersi te nje karburanti. Automjeti tip Benz", me targa EL 8746 B, i drejtuar nga Tomorr Muca, me banim ne fshatin Katund i Ri, ka aksidentuar me vdekje Vasil Pellumbin, me banim ne lagjen "Haxhias" ne Elbasan. Mesohet se 59-vjecari ka qene duke udhetuar ne ane te superstrades kur eshte perplasur me makinen ne shpejtesi. Pas aksidentit drejtuesi i mjetit i ka dhene ndihmen e pare viktimes, duke e derguar ne repartin kirurgjik te spitalit, por 59-vjecari ka gjetur vdekjen gjate rruges. Ne vendin e ngjarjes ka mberritur nje ekip hetimor dhe policia rrugore per te hetuar mbi shkaqet e aksidentit. Paraprakisht deklarohet se viktima mund t'i kete nderprere rrugen automjetit qe ka qene me shpejtesi ne superstrade. Megjithate ceshtja eshte ende ne hetim dhe uniformat blu kane ndaluar drejtuesin e automjetit. Pritet perfundimi i ekspertizes nga grupi hetimor per te mesuar dhe shkaqet e aksidentit.

F.Salliu