Per inat te pronarit, i shkaterron lokalin

Memaliaj- Inatin ndaj pronarit te lokalit e nxjerr duke i shkaterruar te gjitha pajisjet. Policia e Tepelenes ndaloi mengjesin e dites se djeshme 37-vjecarin Sajmir Lola, banues ne lagjen "Komuna e Parisit", Tirane. Ngjarja ka ndodhur mbremjen e se shtunes, ne lokalin, prone e S. K., banor i qytetit te Memaliajt. Burime zyrtare bene me dije se per nje konflikt te vjeter mes tyre, Lola eshte drejtuar per tek banaku, duke kercenuar te zotin e lokalit. Me pas duke perdorur sende te forta, i dyshuari ka nisur te shkaterroje disa prej orendive dhe pajisjet e lokalit. "Ne inat e siper Lola ka shkaterruar dhe nxjerre jashte funksionit nje sobe pjekje, si dhe orendi te tjera te lokalit", thane zyrtare te policise vendore. Madje mesohet se 37-vjecari ka demtuar edhe nje motociklete e cila ndodhej ne mjediset e lokalit, kurse demi i shkaktuar sipas pronarit kapin vleren e 100 mije lekeve. "Nga hetimet paraprake dyshojme se ngjarje ka pasur si shtyse motivet e dobeta dhe disa grindje te vjetra mes dy personave", tha njeri prej pjesetareve te grupit hetimor. Mbi te ndaluarin Lola rendojne akuzat per veprat penale "shkaterrim prone" dhe "kanosje".

B.Kore