Udhetonte me hashash ne furgon, ne pranga 34-vjecari

Durres- Nje 34-vjecar i dyshuar si shperndares i lendeve narkotike ne tregun e Durresit, eshte prangosur gjate dites se djeshme ne furgonin e linjes qe te con per ne qytezen e Manzes. Arjan Sallaku eshte kapur ne befasi nga agjentet teksa i eshte ushtruar nje kontroll fizik oret e mengjesit, ndersa i eshte gjetur nje sasi prej 459 gram kanabis sativa. Burime zyrtare bene me dije se sasia e droges ishte fshehur ne trup nga i dyshuari, me qellim qe te mos binte ne sy. Mendohet se hashashi kishte si destinacion tregun ne qytetin e Durresit. Menjehere pas ndalimit Sallaku eshte marre ne pyetje dhe jane ushtruar kontrolle ne banese. Dyshohet se ne zonen e Manzes here pas here kultivohet edhe bima narkotike, ndaj kontrollet jane shtrire edhe ne terren. Burime zyrtare thane se ne afersi te kesaj zone jane gjetur disa here sasi te konsiderueshme kanabisi te mbjella ne pyll e qe kane rezultuar pa pronar. Sallaku ka mohuar qe hashashin do e shiste ne qytet tek klientet, duke u shprehur se e mbante per ta konsumuar vete pasi ishte perdorues. Por sipas agjenteve sasia e madhe e droges e ka vene perballe akuzes se "shitjes dhe prodhimit te lendeve narkotike".

E.Arapi