E shpëtoi burrin duke e goditur tigrin me garuzhde

Pasi tigri e sulmoi burrin e saj që po gjuante afër shtëpisë së tij në Malajzi, gruaja trime e shpëtoi bashkëshortin duke goditur bishën e egër me garuzhde - shkruan The Sun.

Bisha e tërbuar sulmoi Tambun Tedinin që po gjuante dhelpra jo larg shtëpisë së tij. Tambun fillimisht u përpoq të ngjitej në një pemë, por tigri arriti ta kapte dhe e tërhoqi në tokë.

Bashkëshortja e tij 55-vjeçare Hans Besau dëgjoi thirrjet për ndihmë dhe fluturim u nis për ta shpëtuar. Tigrin e sulmoi “e armatosur” vetëm me garuzhdë. Pas disa goditjeve në kokë, bisha u frikësua dhe iku.

“Isha i tmerruar. E godita tigrin me tërë fuqinë në kokë, por kjo nuk më ndihmoi. U detyrova të përleshem me të për t’u ikur kthetrave të tij. Ai do të më kishte mbytur me kthetrat e mprehta, sikur të mos më kishte dalë në ndihmë bashkëshortja”, tha Tambun, pasi u pranua në spital, ku mjekët po kujdesen për plagët e tij.

Policët lokalë planifikojnë ta gjejnë tigrin dhe ta detyrojnë atë të futet më thellë në xhungël.