E veshtire pajisja me karta identiteti

Partia Socialiste rishprehu dhe njehere tjeter shqetesimin e saj sa i takon pajisjes se votuesve shqiptare me karta identiteti. Deputeti i PS-se, Taulant Balla, duke iu referuar projektit per kartat e identitetit, theksoi se “eshte e veshtire te realizohen brenda afateve kohore per zgjedhjet parlamentare te vitit 2009”. Kete shqetesim, socialistet e mbeshtesin ne faktin se koha qe u mbetet kompanive, qe do te merren me prodhimin e tyre eshte krejtesisht e pamjaftueshme. “Kartat e identitetit jane nje komponent i rendesishem i reformes zgjedhore, pa te cilat ajo nuk mund te konsiderohet e plote. Ofertat e kompanive private qe do marrin me koncesion kete projekt, kane afat deri me janar 16 janar 2008”. Per kete arsye, sipas tij, kompanise qe do ta fitoje kete tender me fonde publike, i mbeten jo me shume se 12 muaj per t’i pajisur shqiptaret me karta per votimet e ardhshme te vitit 2009. “Cdo kompani fituese e tenderit do ta kishte te pamundur qe per 12 muaj te pajiste me karta identiteti 1,5 milione votues shqiptare, nderkohe qe mospajisja me kete dokument do te humbiste legjitimitetin per te zhvilluar zgjedhje demokratike ne vend”, vleresoi Balla gjate fjales se tij, lidhur me kete ceshtje.