EULEX-i nis hetimet për akuzat e Martit

"EULEX-i i merr shumë seriozisht pohimet e bëra në raportin e Këshillit të Evropës përgatitur nga Dick Marti. EULEX-i i ka kapacitetet, ekspertizën, lokacionin dhe juridiksionin për ta bërë shqyrtimin gjyqësor. Ne jemi të gatshëm dhe në gjendje që ta marrim përsipër këtë përgjegjësi. Si një hap teknik fillestar, prokurorët e EULEX-it i kanë nisur hetimet e para" thuhet në deklaratën për shtyp të EULEX-it

Më tej në komunikatë kërkohet nga të gjithë, përfshi dhe Martin, që t`i paraqesin dëshmitë lidhur me akuzat.

"Si një mision për sundimin e ligjit, ne punojmë në bazë të fakteve dhe dëshmive. Pa dëshmi nuk mund të bëhet ndjekja penale. Nëse i pranojmë këtë lloj informatash, prokurorët tanë janë të gatshëm të nisin punën menjëherë", përfundon deklarata e EULEX-it.