"Eagle", 69 vjet burgim dhe 3 pafajesi
Tirane- Operacioni "Eagle", shpallen fajtore 6 te pandehur, kurse tre te tjere kane marre dje pafajesine, per akuzen e trafikut te lendeve narkotike. Gjykata e Krimeve te Renda ka denuar dje me 69 vjet burgim gjashte te pandehurit. Trupi gjykues i kryesuar nga gjyqtari Ardit Mustafaj, vendosi dje shpalljen fajtor dhe denimin me 13 vjet burgim per te pandehurin Gjergj Collaku, 12 vjet burgim per te pandehurin Juxhin Kulla, ndersa per te pandehurit Aleko Jorgaqi, Roni Dhimitri, Altin Sotomeni dhe Artur Fecanji, gjykata dha denimin e saj me 11 vjet burgim per secilin. Po dje, trupi gjykues shpalli te pafajshem te pandehurit Ernest Nane, Rexhep Abdillari dhe Dritan Muca. Sipas vendimit te gjykates, tre te pandehurve te fundit, nuk iu eshte gjetur lende narkotike por perzieres. Nje seance me pare perfaqesuesi i akuzes i kerkoi gjykates shpalljen fajtore te te pandehurve dhe denimin e tyre me 101 vjet burgim. Nderkohe qe mbrojtja kerkoi shpalljen e kliente te tyre te pafajshem. Nga te dhenat e dosjes gjyqesore, rezulton se te pandehurit rane ne pranga me 2 nentor te vitit 2007, ndersa hetimet ne ngarkim te grupit kriminal nisen nje vit me pare, ku u mbajten 9 muaj nen pergjime. Gjithcka erdhi pas nje sinjalizimi nga shteti fqinj Greqia, ne te cilen ishin sekuestruar sasi te lendeve narkotike te llojit heroine. Sipas hetimeve te prokurorise te pandehurit ishin anetare te nje rrjeti te perbere nga 24 persona, te cilet merreshin me trafikun e lendeve narkotike nga vendi yne ne drejtim te Greqise. Arrestimet e te pandehurve u kryen ne kater qytete kryesore; Fier, Tirane, Pogradec dhe Korce, ne bashkepunim edhe me policine greke. Sipas te dhenave ne dosjen gjyqesore per zbulimin e ketij grupi kriminal u perdoren edhe agjente te infiltruar. Te pandehurve iu sekuestruan 27.2 kilograme heroine, 579 grame kokaine, 133.5 kilograme marihuane, si 116.6 kilograme perzieres. Te pandehurit u akuzuan per veprat penale te "trafikim te lendeve narkotike" kryer ne bashkepunim mbetur ne tentative, si dhe mbajtje, prodhimi dhe transportimi i substancave kimike", kryer ne bashkepunim.
R.Caushaj
Vendimi
Gjergji Alias, A. Collaku 13 vjet
Juxhin Kulla, 12 vjet
Aleko Jorgaqi, 11 vjet
Roni Dhimitri, 11 vjet
Altin Sotomeni, 11 vjet
Artur Fecanji, 11 vjet
Ernest Nane, pafajesi
Rexhep Abdillari, pafajesi,
Dritan Muca , pafajesi