Vdekja e zjarrfikesit, Topi ngushellon familjen

Fier- Presidenti i Republikes, Bamir Topi, ngushellon familjen e zjarrfikesit te rene ne krye te detyres, per te ndihmuar nje familje qe ishte bllokuar ne apartament. Kreu i shtetit ka vleresuar aktin heroik te 46-vjecarit Edmond Mocka, efektivit special qe gjate ngjitjes me litar nga dritarja e katit te trete te pallatit, eshte rrezuar duke u shembur pertoke. Hemorragjia e brendshme i ka shkaktuar vdekjen babait te dy femijeve, qe megjithese u dergua ne spital, nuk mundi te mbijetonte. "Me lejoni qe ne kete dite teper te trishtueshme per ju, ne kete fatkeqesi te pashoq, t'ju shpreh ngushellimet e mia sa me te sinqerta e t'ju gjendem shpirterisht ne kete moment dhimbjeje te thelle per humbjen e njeriut tuaj te dashur, i cili u nda nga jeta ne menyre tragjike dhe te parakohshme", thuhet ne mesazhin e Presidentit. Ngjarja ndodhi ne lagjen "Apollonia" te Fierit, rreth ores 21:00 te mbremjes se marte.