Edhe një ‘Scarface’

Shtëpia filmike Universal ka filluar planet për xhirimin e një versioni të ri të filmit "Scarface”. Siç u njoftua, filmi do të përmbajë mjaft elemente të ribërjes së versionit të vitit 1983. Nga Express më 29 shtator 2011 në ora 09:45

Filmi “Scarface”, që fillimisht u xhirua në vitin 1932, e pastaj u ribë në vitin 1983, duket se tashmë do të ketë edhe versionin e tretë.

Marc Shmuger dhe Martin Bregman, nga studioja Universal, do të jenë producentë të filmit për të cilin thonë se nuk paraqet “as vazhdim e as ribërje të dy filmave të mëhershëm”.

Sipas fjalëve të dy producentëve, filmi i ri “Scarface” do të jetë njëlloj freskimi i filmit origjinal, përderisa rrëfimi i tij, për ngritjen dhe rënien e kriminelit me prejardhje kubaneze (Tony Montana) duket se do të mbetet pjesë e pandryshuar e ngjarjes.

Mirëpo, aktori Robert Loggia, i cili në versionin filmik të vitit 1983 interpretoi rolin e baronit të drogës, Frank Lopez, u shpreh kundër këtij projekti. Sipas tij, “Scarface është një klasik që duhet të lihet rehat”.

Para një muaji në Los Angeles është prezantuar një ‘blue-ray’ version i kult filmit, me Al Pacinon në rolin kryesor.