Nderohet pas dy vitesh

Fituesi i Çmimit Oscar, regjisori Roman Polanski (78), është nderuar të martën, në Festivalin e Filmit në Zurich, me shpërblimin për vepër jetësore. Këtë shpërblim ai nuk mundi ta mirrte para dy vitesh, për shkak se ishte arrestuar nën akuzën për dhunim të një adoleshenteje. Nga Express më 29 shtator 2011 në ora 10:59

Në ceremoni regjisorit iu duartrokit gjatë, përderisa disa prej të pranishmëve nuk mundën t’i ndalin as lotët.

Pas marrjes së shpërblimit regjisori i njohur tha se ky për “është një përvjetor i çuditshëm”, duke iu referuar datës së arrestimit të tij në vitin 2009. Megjithatë, Polanski u shpreh se është mirë që shpërblimi ia nda më në fund. “Më mirë vonë se kurrë”, theksoi ai derisa po e pranonte shpërblimin.

Ndryshe, në dokumentarin “Roman Polanski: A Film Memoir”, ai e rrëfen tregimin e tij jetësor, deri në kohën e gjykimit për ekstradim. Filmi ishte xhiruar nga Laurent Bouzereau, gjatë kohës së arrestit shtëpiak. Bouzereau është i specializuar për bërjen e dokumentarëve, si ‘Avatar’ ose “Jaws’.

Nuk pati reagime kritike ndaj dokumentarit që u projektua pas ceremonisë së ndarjes së shpërblimit për Polanskin, megjithëse kritikët e bënë këtë gjë për filmin e ri “Carnage”, në të cilin luajnë Kate Winslet, Jodie Foster dhe Christoph Waltz.

Regjisori me prejardhje polake, Roman Polanski, jetoi në Evropë deri në vitin
1978, e pastaj udhëtoi drejt SHBA’ve, pasi që u shpallë fajtor për akuzat për keqtrajtim seksual të një vajze 13-vjeçare. Polanski u arrestua sapo u shfaq Zvicër, në vitin 2009, megjithëse u shpall i pafajshëm pas mbajtjes në arrest shtëpiak.