Edisoni, 6-vjecari qe humbi mes flakeve

Edisoni, djali i kunatit te Alketes humbi jeten ne spitalin e Brindisit, pak dite pas tragjedise se Gerdecit. Ai nuk ka mundur t'u beje dot balle plageve te shkaktuara nga shperthimi i barutit. Megjithese mjeket italiane por edhe interesimi i drejtuesve te Ministrise se Shendetesise ka qene i larte, perseri nuk eshte bere e mundur shpetimi i jeteve te personave, te cilet kane qene ne gjendje kritike per jeten. Mjeket e Spitalit te Djegie-Plastikes thane pas ngjarjes se 6-vjecari, ne momentet qe eshte nisur per kurim ne Itali ka pasur nje djegie te shkalles se katert ne mbi 80 per qind te trupit. Vogelushi, punonte ne fabriken e demontimit dhe ishte viktime e ngjarjes qe pati buje ne te gjithe boten. Ai, si edhe bashkemoshataret e tjere te tij, detyrohej te punonte per shkak te varferise dhe papunesise qe karakterizonte zonen. Nje gje e tille ishte fatale per te, pasi ne nje moshe mjaft te vogel, zemra e tij pushoi se rrahuri. Edisoni nuk ka pasur mundesi te festoje sivjet as diten e pare te shkolles, as festen e abetares, dhe asnje dite tjeter, per shkak te tragjedise se rende, ndodhur ne fshatin e Gerdecit. Familja e tij hesht, sa here permendet emri i djalit, dhe sa here permendet fjala "shperthim".

Psikologet, te "paafte" para traumes se banoreve

Sipas banoreve te Gerdecit, psikologet jane munduar te bejne punen e tyre, por dhimbja ka qene shume e madhe. "Me gjithe ndihmen e punonjesve sociale dhe psikologeve, ne nuk mund te harrojme, apo te largojme sadopak mendjen nga ajo qe ndodhi", shprehen disa banore. Menjehere pas ngjarjes, Zyra Rajonale e Punesimit ne kryeqytet punesoi studente te sapodiplomuar, per t'u ardhur ne ndihme banoreve. Ata ishin te sapodiplomuar ne Fakultetin e Shkencave Sociale, Mjekesi, Infermieri, etj. Gjithcka u be, me qellim per te asistuar dhe ndihmuar banoret, per te kaluar traumen e pesuar.