Efektivat e policise, nga sot me kontrate pune

Tirane- Efektivat e policise qe nga dje do te kene nje kontrate pune, si dhe kane te drejte qe t'i mbrojne zyrtarisht interesat e tyre. Drejtori i Pergjithshem i Policise se Shtetit, Ahmet Prenci ka firmosur dje kontraten kolektive me kryetarin e Sindikates se Punonjesve te Policise, Sadedin Fishta. Kontrata e firmosur sherben per rregullimin e marredhenieve juridike te punes dhe respektimin e te drejtave dhe detyrimeve ndermjet Drejtorise se Pergjithshme te Policise dhe Sindikates se Punonjesve te Policise. Me firmosjen e kesaj kontrate te gjithe efektivat e policise do te kene kontrata pune, te cilat nuk i kane pasur me pare. "Per here te pare ne historine e Policise Shqiptare, punonjesit e saj do te kene sindikaten e tyre, qe do te perfaqesoj dhe mbroj interesat e cdo punonjesi policie. Fusha e zbatimit te kesaj kontrate perfshin jo vetem punonjesit e policise ne detyre, por edhe ata qe trajtohen me pagese kalimtare, pension te parakohshem dhe ata me pension pleqerie", sqaronte Policia e Shtetit. Drejtori i Policise se Shtetit, Ahmet Penci ka theksuar dje se "Ne historine e policise shqiptare per here te pare krijohet nje sindikate per te mbrojtur interesat e cdo punonjesi policie. Kontrata e nenshkruar diten e sotme tregon se Policia e Shtetit cdo dite e me teper, po shkon drejt konsolidimit dhe perafrimit te saj me policite homologe te vendeve evropiane". Ndersa kryetari i sindikates se punonjesve te policise, Sadedin Fishta sqaroi se firmosja e kesaj kontrate, u be ne mbrojtje te se drejtave e interesave, te punonjesve te Policise se Shtetit.

Policet

Me firmosjen e kesaj kontrate hapet nje kapitull i ri ne zyrtarizimin e mbrojtjes se interesave te punonjesve te policise, nepermjet Sindikates se tyre. Qe nga firmosja e kontrates kolektive, efektivat e policise do t'i japin fund odisese qe po perjetojne.