Egjipti, 10 bursa universitare dhe pasuniversitare per shqiptaret

Ne baze te programit te bashkepunimit ne fushen e arsimit, qeveria e Republikes Arabe te Egjiptit, ofron dhjete bursa studimi per ne universitetet publike egjiptiane. Nga keto, gjashte jane parashikuar per studime universitare dhe kater per studime pasuniversitare, per vitin akademik 2009-2010. Bursa mbulon tarifen e shkollimit, shpenzimet e akomodimit, si dhe shpenzimet e vogla mujore te studenteve. Ministria e Arsimit dhe e Shkences ka njoftuar se kandidatet e interesuar per bursat e studimit universitare, duhet te paraqesin prane Sektorit te Marredhenieve me Jashte ne kete Ministri, 6 dokumente. Behet fjale per kerkesen e te interesuarit drejtuar MASH-it, duke specifikuar degen ne te cilen kandidati deshiron te studioje, vertetimin e notave per tri vitet e para dhe te semestrit te pare te vitit te katert te shkolles se mesme. Ky vertetim duhet te jete i firmosur nga Drejtoria ose Zyra Arsimore e Rrethit perkates. Nje dokument tjeter eshte edhe raporti mjekesor per aftesi studimesh, fotokopja e faqes se pare te pasaportes, certifikata e lindjes me fotografi si dhe 4 fotografi dokumenti me permasa 4x6. Ndersa per studimeve pasuniversitare nevojitet kerkesa e te interesuarit drejtuar MASH-it, duke specifikuar degen ne te cilen deshiron te studioje, diploma e shkolles se larte, ( fotokopja e noterizuar) lista e notave, (fotokopja e noterizuar) dy rekomandime nga profesore te Universitetit, nje pershkrim te shkurter te temes se studimit te ardhshem, certifikata e lindjes me fotografi, raporti mjekesor per aftesi studimesh dhe 4 fotografi (4x6).