Shkrumbohet banesa, ne rrezik nje lagje

Fier- Zjarri shkrumbon teresisht nje banese dhe rrezikon 12 te tjera ne lagjen "Mbrostar Ferko" te Fierit. Pronari Rexhep F., i tha policise se dyshonte qe flaket ishin vene qellimisht, pasi prej disa javesh e kishte nxjerre shtepine e ndertuar ne vitin 1998 ne shitje. Zjarri ka rene rreth ores 13:00 te dites se djeshme, kurse vatra e pare eshte pare fillimisht ne oborr dhe me pas jane perhapur me shpejtesi ne te gjithe godinen. Brenda 40 minutash, objekti eshte shkrumbuar duke rrezikuar edhe 12 ndertesa te tjera perreth qe i ndante vetem gardhi. Burime policore thane se me ndihmen e banoreve dhe zjarrfikesve, u be e mundur te shmangej perhapja e vatres se zjarrit. Kush me kova uji dhe kush me mjete rrethanore, ka bere perpjekje per te nderprere perhapjen e flakeve. Por edhe mjetet e zjarrfikesve nuk kane arritur te shkojne shpejt ne kete lagje, per shkak te mungeses se nje rruge. Kreu i Repartit te Mbrojtjes nga Zjarri, Xhevat Mernica, tha se rrugicat ishin te ngushta. Ne banese nuk kishte asnje prej pjesetareve per fat te mire, pasi ishin zhvendosur ne nje tjeter godine. Nga hetimi paraprak dyshohet qe zjarri te kete qene i qellimshem, por hetohet edhe per nje shkarkese elektrike.

Xh. Beharaj