Ekspertet: Pakesohen mashtrimet me kartat e bankave, rritet siguria Eglantina Nasi
Mashtrimet me kartat bankare, po kthehen ne nje dukuri gjithmone e me pak prezente ne perditshmerine e klienteve te bankave qe operojne ne vendin tone. E cila shpjegohet ne fakt me permiresimin e vazhdueshem te kushteve te sigurise qe keto te fundit ofrojne. Por ne te njejten kohe, edhe me ndergjegjesimin me te madh te klienteve per rregullat e perdorimit te kartave bankare. Ne nje perfundim te tille ka arritur Forumi Kombetar Shqiptar i Kartave, gjate takimit te djeshem, organizuar pikerisht mbi problematiken ekzistuese te mashtrimeve me te tilla karta. Sipas kryetares se Komitetit Kunder Mashtrimeve me Karta ne Shoqaten Shqiptare te Bankave, Enkelejda Balliu, gjate vitit 2012, kjo dukuri pesoi nje renie te ndjeshme, ndersa demi financiar per klientet ishte pothuajse 0. Gjithsesi, ajo ka shtuar faktin se perdorimi ne internet, mbetet rreziku kryesor per mbajtesit e kartave bankare. “Prandaj kartat duhet te perdoren vetem ne portale te sigurta dhe mundesisht, te nderrohen shpesh”,- ishte keshilla qe dha ekspertja bankare lidhur me ekzistencen e nje dukurie te tille negative. Nga ana tjeter, tryeza e djeshme, arriti edhe ne perfundimin se duhet te shtohet edhe me tej tendenca e biznesit per pagesa elektronike. Duke reduktuar ne kete menyre nivelin e parase “cash” qe qarkullon ne treg dhe ne kete menyre, duke arritur formalizmin e ekonomise. Per kete arsye, ekspertet e bankave vendase dhe atyre ne Kosove, te Bankes se Shqiperise, te “Visa”-s dhe “Master Card”-it, Policise se Shtetit, OPDAT si dhe perfaqesues te kompanive lokale e nderkombetare qe ofrojne sherbime teknologjike ne fushen e pagesave elektronike nga INFIGO, EasyPay, Mellon, Printec, Asseco dhe MPay, konsideruan se duhet nxitur progresi e industrise se kartave dhe pagesave elektronike si te tilla. Kujtojme nderkaq, se veprimet bankare me ane te kartave, kane njohur nje rritje te tyre nga viti ne vit. Keshtu, referuar te dhenave te ofruara nga Shoqata e Bankave, ndersa ne dhjetor te vitit 2011 volumi total i tyre perfshinte nje shifer veprimesh prej 9.465 milione te tilla, nje vit me pas, pra ne dhjetorin 2012, kjo shifer ka qene ne nivelin prej 123 milione veprimesh, çka flet qarte per nje trend ne rritje te kryerjes se veprimeve bankare permes sherbimeve me te reja qe perfshihen brenda kartave te caktuara. Nderkaq, rritje kane pesuar edhe bankomatet ne rang vendi. Nese ne dhjetor te vitit te kaluar, rezultojne se kane qene 823 te tille, ne dhjetorin e vitit pararendes, 2011, numeroheshin vetem 805 bankomate.