Ekstradohet nga Greqia i kërkuari Gentjan Taullaj

Një 29-vjeçar, shtetas shqiptar nga Fieri u ekstradua nga Greqia në Shqipëri. Lajmi u konfirmua nga Zyra Qëndrore Kombëtare Interpol Tirana. Bëhet fjalë për shtetasin Gentjan Taullaj, i shpallur në kërkim ndërkombëtar.

Gjykata e Shkallës së Parë për Krime të Rënda, ka caktuar masën e sigurisë Arrest në burg, për kryerjen e veprës penale të Prodhimit dhe shitjes së lëndëve narkotike.

29-vjeçari akuzohet pasi në datën 25.11.2009, në fshatin Maminas, Durrës, në bashkëpunim me Gëzim Gjikën, ka transportuar 109 kg kanabis sativa, e cila do të trafikohej drejt Kosovës.

Në aeroportin Nënë Tereza në Rinas, Gentjan Taullaj i është dorëzuar përfaqësuesve të Drejtorisë së Përgjithshme të Burgjeve.