Elbasan, 300 studente per tre dege te lira

Universiteti i Elbasanit e nis vitin e ri akademik me 300 vende me pak per tre dege te lira. Ne fund te fazes se dyte te aplikimit rezultoi se ne disa dege kishte numer te paket studentesh duke rrezikuar edhe mbylljen e tyre. Per kete arsye, ministria dhe rektorati kane shpallur dege te lira, matematike-fiziken, frengjishten dhe gjermanishten. Rektori i UE-se, Liman Varoshi, u shpreh se jane marre te gjitha masat per mbarevajtjen e vitit te ri akademik. "Korpusi qendror ka pesuar rikonstruksion te plote, nderkohe qe investime jane kryer edhe ne godinat e tjera te universitetit. Edhe pajisja me bazen materiale eshte e kenaqeshme. Ndertimi i dy godinave te reja ka zgjeruar ambientet e ketij universiteti. Studentet do te gjejne ne UE profesionalizmin dhe tregun e ardhshem te punes", tha Varoshi.

Per kete vit UE i kerkoi ministrise 2050 kuota. Numri total i studenteve pritet te shkoje ne 14500, pasi ne disa dege do te aplikohen edhe diploma te nivelit te dyte. "Do ta shtrijme numrin e pranimeve poshte studenteve qe jane regjistruar ne baze te kritereve te percaktuara, por do te tregojme kujdes qe te thithim maturante cilesore ne degen e matematikes", sqaroi rektori Varoshi, i cili i kushtoi rendesi per kete vit programeve mesimore dhe pergatitjes se studenteve.

Fatos Salliu