Elbasan, Tatimet falin 120 milione leke gjoba

Elbasan- Komisioni i faljes se gjobave, i ngritur qe ne muajin dhjetor ne degen e Tatimeve ne Elbasan, ka kryer verifikimin e dhjetera subjekteve dhe ka falur rreth 120 milione leke gjoba te parashikuara ne ligj. Sipas drejtorit te Menaxhimit te te Ardhurave, Alban Kumbaro, nga vendimi i qeverise perfitojne te gjithe subjektet qe ne daten 7 tetor figurojne debitore prane organit tatimor, per gjobat dhe interesat. Edhe ata qe kane detyrime, por qe deri ne daten 7 prill shlyejne detyrimet, perfitojne nga ky ligj. "Faktikisht nepermjet sensibilizimit me postera dhe reklama, ka nje reagim. Jane paguar rreth 15 milione leke detyrime ne Elbasan dhe rreth 4 milione leke ne agjencite ne nivel qarku", shprehet Kumbaro. Gjate kesaj periudhe jane marre 293 vendime per falje, duke sqaruar se numri i subjekteve perfitues eshte disa here me i madh. Sipas tij, eshte vete komisioni qe verifikon situaten e objekteve. "Subjekti nuk ka detyrim te paraqese ndonje kerkese, por vete komisioni bashke me administraten tatimore, shikon situaten e subjektit dhe nese ai paraqitet vetem me gjobat e interesat para tetorit te vitit te kaluar, subjekti merret ne shqyrtim nga komisioni. Kemi edhe raste kur subjekti qe ne momentin e pare te 7 tetorit ka qene vetem me gjoba e interesa", thote me tej Kumbaro. Sipas tij, jane marre edhe vendime te perbashketa per te njejten problematike. "Kemi pasur raste te takses se rruges Durres-Kukes, ne te cilen kane perfituar falje gjobe nepermjet nje vendimi te vetem 215 subjekte. Kemi edhe nje vendim per taksen e solidaritetit ku jane falur gjobat per 179 subjekte, gjoba policie per 437 subjekte, ndersa per TVSH-ne jashte sistemit, 85 subjekte", sqaron zyrtari.